QazUÝ JOO-nyń býhgalterııasyndaǵy alıaaqtyq týraly BAQ-taǵy jarııalanymdarǵa túsindirme berdi

"2014 jyldyń sońynda QazUÝ-dyń qaýipsizdik qyzmeti men aýdıtorlyq tekseris nátıjesinde alaıaqtyq jáne stýdentterdiń býhgalterııa mamandary - S.T. Jekenova, D.R. Tursynbekova, B. Nurlanmen kelisý arqyly oqý aqysyn tóleýden jaltarý faktisi anyqtaldy. Bul fakti boıynsha materıaldar tolyǵymen tez arada quqyq qorǵaý organdaryna joldandy», - delingen habarlamada.

Burynǵy QazUÝ basshylyǵy kezinde jumysqa qabyldanǵan olar 2008 jyldan bastap aqshalaı qarajattardy ıemdenýge baılanysty zańsyz alaıaqtyq áreketterin iske asyryp kelgen. S.T.Jekenova zańsyz áreketterdiń bastamashysy bolyp tabylady, ol alǵashynda qarjy-sharýashylyq qyzmet boıynsha burynǵy prorektor S. Shaıahmetovtiń qabyldaý bólmesinde jumys istep, keıin onyń aýystyrýymen býhgalterııada maman qyzmetin atqarǵan.

QR BǴM 2007 jyly bekitken ýnıversıtet pen stýdent arasyndaǵy úlgilik shart boıynsha, JOO-da bilim alý úshin tólenetin oqý aqysy qolma-qol aqshasyz bank arqyly banktik rekvızıtteri kelisimshartta kórsetilgen QazUÝ-dyń esepshotyna tólenýi tıis.

QazUÝ-da qolma-qol aqshalaı tólem jasaýǵa qatań tyıym salynǵanyna qaramastan, joǵaryda kórsetilgen býhgalterııa qyzmetkerleri ońaı olja tabý maqsatymen tanys, dos jáne týǵan-týys qataryndaǵy stýdentterge oqý aqysy boıynsha zańsyz jeńildik alýdy usynǵan. Olar stýdentterden qolma-qol aqshalaı qarajat alyp, sosyn ıemdenip otyrǵan. Ózderiniń zańsyz áreketin jasyrý maqsatynda olar býhgalterııanyń elektrondy bazasyna ruqsaty bolǵandyqtan, ózara kelisimde bola otyryp, ótken merzimmen stýdentterdiń oqý aqysy tólengeni týraly esepterge ótirik aqparat engizip otyrǵan.

Sondaı-aq qarjy urlaý alaıaqtyq shemasyn júzege asyrýǵa stýdent Qydyrbaı Ásel Arabqyzynyń qatysy bar ekendigi týraly fakt anyqtaldy. Ýnıversıtette «Qazmunaıgaz» BÓ AQ granty boıynsha bilim ala otyryp, ol paıdakúnemdik maqsatta ýnıversıtet býhgalterııasynyń mamany B.Nurlanmen kelisimge kelip, ártúrli bankte eki jeke shot ashqan. Sosyn osy esepshottarǵa «Qazmunaıgazdan» oqý úshin túsken qarjy zańsyz aýdarylyp otyrǵan. Bul barlyq aqshalaı qarjyny Ásel Qydyrbaı jeke esepshotynan sheship otyrǵandyqtan, ol alaıaqtyq áreket pen aqshalaı qarjy urlaýǵa qatysýshy retinde kúdiktenedi. Sondaı-aq Á.A. Qydyrbaı basqa stýdentterden aqsha jınaýdy uıymdastyrdy jáne ony B. Nurlanmen birge ıemdendi degen kúdik bar.

Á.A. Qydyrbaı banktik shottardan aqshalaı qarajat alǵanyn moıyndaı otyryp, ýnıversıtet ákimshiliginen birneshe ret urlanǵan somany qalpyna keltirý jáne qaıtarý úshin ýaqyt berýdi jáne memlekettik emtıhandardy tapsyryp, dıplom jumysyn qorǵaýǵa múmkindik berýdi ótindi. Ýnıversıtet ákimshiliginiń onyń urlanǵan somany qaıtarý merzimin sozý týraly ótinishin qanaǵattandyrǵanyna qaramastan, Á.A. Qydyrbaı óz mindetterin oryndaǵan joq jáne BAQ-ta jarııalaýmen bopsalaý jáne qoqan-loqqy jasaý arqyly ýnıversıtet bitirgeni týraly dıplomdy talap ete bastady.

Qazirgi tańda burynǵy býhgalterııa mamandaryna qatysty qylmystyq is qozǵalyp, tergeý júrgizilip jatyr. Halyqaralyq qatynastar fakýltetiniń 4-kýrs stýdenti Á.A. Qydyrbaıǵa qatysty sotqa deıingi tekseris júrgizilýde.

BAQ-ta keltirilgen qaryz stýdentter sany shyndyqqa sáıkes kelmeıdi. Búgingi tańda stýdentter oqý úshin qaryzdaryn tolyqtaı ótedi. Oqý úshin qaryzy bar 10-nan aspaıtyn stýdent jýyq arada qaryzdy óteý týraly jazbasha mindetteme berdi.