QazUÝ jobalary Shanhaı ınnovatsııalyq forýmynda kórsetildi
BEIJІŃ - ShANHAI. QazAqparat - Ál-Farabı atyndaǵy QazUÝ rektory Ǵalymqaıyr Mutanov «Pujiang» H Halyqaralyq ınnovatsııalyq forýmyna qatysty, dep habarlaıdy «QazAqparat» HAA-nyń Qytaıdaǵy menshikti tilshisi.
Sharada AQSh, Ulybrıtanııa, Sıngapýr, Ońtústik Koreıa, Qazaqstan, Germanııa, Danııa, Aýstralııa, Shvetsııa, Frantsııa sekildi álemniń 20 elinen kelgen belgili ǵalymdar men sarapshylar, memlekettik qaıratkerler men saıasatkerler, kásipkerler bas qosty.
2008 jyldan beri ótkiziletin aıtýly forýmda QazUÝ rektorynyń «Birikken ǵylym-bilim jobalar - «Bir beldeý, bir jol» bastamasyn damytýdyń negizi» atty baıandamasy qyzý talqylandy.
Akademık óz baıandamasynda ýnıversıtettiń Memleket basshysynyń «Qazaqstannyń úshinshi rýhanı jańǵyrýy: jahandyq básekege qabilettilik» Joldaýynda qoıylǵan mindetterdi júzege asyrýǵa baǵyttalǵan jobalary týraly aıta kelip, ǵylymı-ınnovatsııalyq jobalardy birige júzege asyrý men ІT-tehnologııalar salasyndaǵy yntymaqtastyq Jańa Jibek jolyn damytýda mańyzdy oryn ıelenetinin tilge tıek etti.
«Prezıdent Nursultan Nazarbaevtyń ıdeıasyn júzege asyrý aıasynda QazUÝ «Jańa Jibek joly ýnıversıtetteriniń Alıansynyń» halyqaralyq ІT-tehnoparkin qurý bastamasyn kóterdi. Ol ІT-tehnologııalarǵa kásipkerler men ınvestorlardy tarta otyryp, osy salany damytýdyń basty draıverine aınalýy tıis», - dedi ol.
Qazirgi kezde Qazaqstannyń Qytaıdaǵy Elshiliginiń qoldaýymen QazUÝ-da QHR Ǵylym akademııasynyń Qashyqtyqtan baqylaý jáne tsıfrly Jer ınstıtýtymen (RADI) yntymaqtastyqta ǵylymı-zertteý ortalyǵy qurylýda. Ortalyq qorshaǵan ortany, tabıǵat resýrstaryn, aýyl sharýashylyǵyn, tótenshe jaǵdaılardy jyldam baqylaýǵa jaǵdaı jasaıdy, sondaı-aq «Ǵaryshtyq tehnıka jáne tehnologııa» mamandyǵy boıynsha bilim alyp jatqan stýdentter úshin ǵylymı praktıkalyq baza qyzmetin atqarady.
