QazUÝ túlegi stýdentterge shákirtaqy bóldi
/strong>Sáýirdiń 6-sy. QazAqparat /Ádilet Musahaev/ - QazUÝ-niń túlegi, «Nur Otan» partııasynyń Almaty qalalyq bólimi men QazUÝ Túlekter qaýymdastyǵy tóralqasynyń múshesi Quralbek Qulajanov ǵalymdar B.A. Birimjanov pen D.V. Sokolskıı atyndaǵy shákirtaqyǵa demeýshi boldy,
dep habarlaıdy QazAqparat.
Qazaqstan men sheteldegi QazUÝ Túlekter qaýymdastyǵynyń barlyq músheleri týǵan ýnıversıtetiniń bedelin arttyrýda jan-jaqty qarym-qatynastar ornatyp, nyǵaıtýda atsalysyp keledi.
Q. Qulajanov QR UǴA korrespondent-múshesi, 26 jyl boıy QazMÝ-diń hımııa fakýltetiniń dekany bolyp qyzmet etken ǵylym qaıratkeri Batyrbek Birimjanovtyń shákirti bolǵan. Sonymen qatar onyń ǵalym bolyp qalyptasýyna QR UǴA akademıgi, Sotsıalıstik Eńbek Eri, ǵylym men tehnıkaǵa eńbek sińirgen qaıratker Dmıtrıı Sokolskıı kóp yqpal etken. Ustazdyq ulaǵattyń qurmetine Quralbek Quljanov eki shákirtaqyny qatar taǵaıyndap otyr.
Jıyn saltanatty túrde ótip, D.V. Sokolskıı atyndaǵy shákirtaqyny QazUÝ-dyń magıstranty Indıra Jeldibaeva ıemdendi. Ol osy oqý orynyn «organıkalyq zattardyń hımııalyq tehnologııasy» mamandyǵy boıynsha úzdik támamdaǵan.
Al B.A. Beremjanov atyndaǵy shákirtaqyny hımııa fakýltetiniń 3-kýrs stýdenti Saltanat Nurbosynova aldy. Ol «Tabıǵı birlestikter hımııasy» baǵytynda ǵylymı zertteý jumystaryn júrgizip keledi.
Aı saıyn beriletin shákirtaqynyń kólemi jıyrma bes myń teńgeni quraıdy. Marapattaý rásiminde akademık Q. Qulajanov qaýymdastyqtyń alǵa qoıǵan maqsattaryn tolyqtaı quptaıtyndyǵyn málimdedi.
Quralbek Sádibaıuly - hımııalyq jáne azyq-túlik tehnologııasy salasyndaǵy iri zertteýshilerdiń biri, hımııa ǵylymdarynyń doktory, professor, QR Halyqaralyq jáne Ulttyq ınjenerlik akademııasy men Qazaqstandaǵy Halyqaralyq jáne Ulttyq ǵylym akademııasynyń joǵary mektebiniń akademıgi, QR UǴA qurmetti múshesi (akademık), Andong ulttyq ýnıversıteti (Ońtústik Koreıa) men Máskeý memlekettik ýnıversıtetiniń professory. 1996 jyldan bastap Almaty tehnologııalyq ýnıversıtetiniń rektory bolyp jumys isteıdi.
