QazUÝ stýdentteri men ustazdary Qyzylaǵash apatynda zardap shekkenderge kómek qolyn sozdy
ALMATY. Naýryzdyń 17-si. QazAqparat /Erbol Azanbek/ - QazUÝ-dyń Stýdentter qurylys jasaǵynyń 150 erikti stýdentteri sý tasqynynan zardap shekken Almaty oblysyndaǵy Qyzylaǵash aýyly turǵyndarynyń baspanalaryn turǵyzýǵa kómek kórsetedi,
dep habarlaıdy QazAqparat QazUÝ-dyń baspasóz qyzmetine silteme jasap.
Qaıǵyly oqıǵa oryn alǵanyn estı sala QazUÝ stýdentteriniń basyn biriktergen Stýdenter senaty uıymy ýnıversıtette arnaıy shtab quryp, kelesi kúni japa shekkenderge arnalǵan kómek kórsetý ortalyǵyna aınaldyrǵan. Ekonomıka jáne bıznes fakýltetinde ornalasqan shtabqa stýdentter kıim-keshek, azyq-túlik ákelip óz úlesterin qosqan. Kómek kórsetýge jınalyp jatqan zattarǵa birneshe kún boldy. Alǵashqy kómek avtobýspen jiberilgen. Bunymen qatar Ýnıversıtettiń qyzmetkerleri ózderiniń bir kúndik jalaqysyn aýdarmaqshy.
