QazUÝ QS reıtınginde kórsetkishterin jaqsartty
QS «WUR by Subject 2020» reıtınginde bes pán boıynsha álemniń 1200-den astam ýnıversıteti qarastyryldy. Ótken jylmen salystyrǵanda QazUÝ «Óner jáne gýmanıtarlyq ǵylymdar» mamandyǵy boıynsha óz kórsetkishterin jaqsartyp, 339 orynnan 277-ge kóterilip, «Áleýmettik ǵylymdar jáne menedjment» mamandyǵy boıynsha 351 orynǵa ıe boldy.
«Zamanaýı til bilimi» mamandyǵy boıynsha ýnıversıtet álemniń eń úzdik 51-100 joǵary oqý oryndarynyń tobyna, «Lıngvıstıka» boıynsha 201-250, «Aǵylshyn tili men ádebıeti» jáne «Quqyqtaný» boıynsha 251-300 tobyna kirdi. Sonymen qatar atalmysh reıtıngke alǵash ret «Matematıka» (top 351-400), «Ekonomıka jáne ekonometrıka» (451-500), «Fızıka jáne astronomııa» (551-600) mamandyqtary endi.
Reıtıng ádisnamasy tórt negizgi kórsetkishter: akademııalyq bedel, jumys berýshiler arasyndaǵy bedel, ǵylymı maqalalardyń dáıeksózdiligi jáne Hırsh ındeksi negizinde qurylady. QS «WUR by Subject 2020» 95 myńnan astam oqytýshynyń, 45 myń jumys berýshiniń pikirin, sondaı-aq «Scopus» derekter qorynan alynǵan málimetterdi eskere otyryp jasaldy.
QazUÝ álemdik deńgeıdegi zertteý ýnıversıtetine aınala otyryp, álemdik reıtıngterde tabysty alǵa jyljyp kele jatqanyn atap ótken jón. Máselen, 2019 jyly QS jahandyq reıtınginiń nátıjesi boıynsha jetekshi qazaqstandyq ýnıversıtet álemniń úzdik JOO tiziminde 207 orynǵa ıe boldy. TMD elderinen bul topqa tek Lomonosov atyndaǵy MMÝ men ál-Farabı atyndaǵy QazUÝ endi.
