QazUÝ murajaıynda panfılovshy-jaýyngermen kezdesý uıymdastyryldy
ALMATY. 15 qarasha. QazAqparat /Erbol Turymbetov/ - Búgin Almatyda Ál-Farabı atyndaǵy QazUÝ-da «Sizderdiń erlikterińiz halyq jadynda máńgilik saqtalady» atty is-shara ótti.
Ony Almaty qalasy ákimdigi jastardy patrıottyqqa tárbıeleý jónindegi komıssııanyń qoldaýymen ýnıversıtet murajaıy osy joǵary oqý ornynyń áskerı kafedrasymen birlese uıymdastyryp otyr. Júzdesýge UOS ardageri, panfılovshy-jaýynger, Almaty qalalyq ardagerler keńesiniń múshesi, polkovnık Grıgorıı Markovıch Vızırıako qatysty.
Osydan 65 jyl buryn, 1941 jyldyń qazan aıynyń ortasynda Volokolamsk tas jolynda aýyr shaıqas boldy. 16 qazanda general I. V. Panfılov dıvızııasy, polıtrýk V. G. Klochkov bastaǵan 28 jaýynger Dýbosekovo razezinde nemis basqynshylarynyń tankisine qarsy turdy.
Dýbosekovo razezindegi shaıqas 28 panfılovshylardyń asqan erligi retinde máńgi tarıh paraqtaryna jazyldy. Olardyń barlyǵyna Keńes Odaǵynyń Batyry ataǵy berildi.
