QazUÝ magıstranttary Oksford ýnıversıtetinde taǵylymdamadan ótýde
Ýnıversıtetter arasyndaǵy áriptestikti damytý týraly kelisim byltyr QazUÝ rektory akademık Ǵalym Mutanovtyń Oksford ýnıversıtetine sapary barysynda jasalǵan bolatyn.
Bıyl magıstranttar arnaıy ázirlengen «Ǵylymǵa kirispe» kýrsy boıynsha geografııa jáne qorshaǵan orta mektebine (School of Geography and the Environment) tájirıbeden ótý úshin attandy. Onyń teorııa men tájirıbeniń sınergııasyndaǵy ereksheligi - beldi professorlardyń dáristeri zertteýlerdiń prezentatsııalarymen súıemeldenedi, naqty mysaldarda ǵylymı jobalardyń ádisnamasy men josparlanýy zertteledi. QazUÝ magıstranttary ózderiniń ǵylymı zertteýlerin usyndy, Sahara shólindegi qumnyń kóshýin, Mońǵolııanyń tabıǵatyn, Omandaǵy bedýınderdiń ómirin jáne Gımalaı taý jynystaryn zertteý jumystarymen tanysty.
Oksford ýnıversıtetiniń ınfraqurylymymen tanysýǵa erekshe kóńil bólindi. Qazaqstandyq zertteýshiler geografııa, bıologııa, hımııa, fızıka, arheologııa sııaqty ártúrli salalardaǵy zertteýshilerdi biriktiretin zerthanalarǵa bardy. Magıstranttar atap ótkendeı, taǵylymdama ataqty professorlardyń dáristerin tyńdap qana qoımaı, tájirıbelik bilim alyp mashyqtaný, sonymen qatar álemniń jetekshi JOO-nyń oqytý júıesimen tanysýǵa zor múmkindik berdi. Olar ǵylymı qyzmetke degen yntamen qýat alyp, umytylmas áserge ıe boldy.
Búgingi tańda joǵary mekteptiń ınternatsıonalızatsııasy Qazaqstandaǵy joǵary bilim berý júıesin damytýdyń negizgi trendteriniń biri bolyp tabylady. Kadrlardy daıarlaý júıesi stýdentterdiń akademııalyq utqyrlyǵyn arttyrýǵa ǵana emes, sondaı-aq osyndaı baǵdarlamalardyń sapa ındıkatorlaryn jaqsartýǵa baǵyttalǵan.
Jyl saıyn álem ýnıversıtetteriniń reıtıngin jarııalaıtyn QS Halyqaralyq agenttiginiń málimetteri boıynsha, QazUÝ osy baǵyttaǵy kórsetkishterdiń turaqty ósý dınamıkasyn kórsetýde. Ýnıversıtet Erazmýs+, Mevlana, «Abaı-Vern», IAESTE sııaqty basqa da halyqaralyq jobalarǵa belsendi qatysýda. Osy oqý jylynda QazUÝ-dyń myńnan asa magıstranty jáne doktoranty álemdegi bilim berý men ǵylymda kósh bastap turǵan sheteldik jetekshi ýnıversıtetterde ǵylymı taǵylymdamadan ótedi.