QazUÝ kópsalaly joǵary oqý oryndary arasynda bıyl da birinshi orynnan kórindi
ALMATY. 16 shilde. QazAqparat /Ádilet Musahaev/ - Bilim berýdegi sapamen qamtamasyz etý qazaqstandyq táýelsiz agenttigi eń úzdik joǵary oqý oryndarynyń tizimin jarııalady. Ál-Farabı atyndaǵy Qazaq ulttyq ýnıversıteti «kópsalaly joǵary oqý orny» tiziminde birinshi orynda tur.
Agenttiktiń ǵylymı jetekshisi Sholpan Qalanova, bul reıtıngtiń akademııalyq kórsetkishterge, mamandar men jumys berýshilerge júrgizilgen saýalnama negizinde jasalǵandyǵyn aıtady. «Osy jyly óz jetistikterin kórsetken JOO-dar sany edáýir keńeıdi. Eger 2010 jyly tek 67 JOO óz málimetterin daıyndasa, biz ózge málimetti QR BjǴM aldyq, al bıyl 84 JOO málimet usyndy, sondaı-aq agenttik óz zertteýimen 134 azamattyq JOO qamtydy,- deıdi agenttik jetekshisi.
Reıtıngtiń nátıjeleri quramynda QR Parlamentiniń depýtattary, reıtıng boıynsha mamandar, bilim jáne ǵylym mınıstrligi, qoǵamdyq uıymdardyń ókilderi bar keńeste qaralyp, bekitildi. Tizimde 62 JOO kórsetilgen.
Atalǵan ýnıversıtettiń birinshi prorektory Muhambetqalı Búrkitbaevtiń pikirinshe, reıtıng - bul ýnıversıtetterdiń basqarýy men múmkindikterin, básekege qabilettilik jaǵdaıyn ólsheıtin myqty qural.
Ýnıversıtettiń reıtıngke qatysýy da mańyzdy. Oǵan basshylyq tarapynan da kóp kóńil bólinýde eken. Osy oraıda, QazUÝ-da 7-8 shilde aralyǵynda «Qazaqstandyq joǵary oqý oryndarynyń ınternatsıonalızatsııalanýy jáne ýnıversıtetterdiń halyqaralyq reıtıngi» atty Halyqaralyq semınary ótken. Bul sharaǵa bilim jáne ǵylym vıtse-mınıstri Murat Orynhanov, professor ıAn Sadlak, QS zertteý ortalyǵynyń basshysy - Ben Soýter, Brıtandyq keńes, Qazaqstandaǵy Tempýs ulttyq keńsesiniń ókilderi jáne 25 joǵary oqý orynynyń ókilderi qatysqan.
