QazUÝ ǵalymdary robot gýmanoıdtiń qozǵalys júıesin oılap tapty
ASTANA. QazAqparat - Ál-Farabı atyndaǵy Qazaq ulttyq ýnıversıteti janyndaǵy matematıka jáne mehanıka ǵylymı-zertteý ınstıtýtynyń jetekshisi, tehnıka ǵylymdarynyń kandıdaty A.K. Eralıevtiń jetekshiligimen izdenýshi-ǵalymdar qıyn jerlerden erkin ótetin robot gýmanoıdtiń qozǵalys júıesin oılap tapty, dep habarlaıdy ýnıversıtettiń baspasóz qyzmeti «Ulttyq memlekettik ǵylymı-tehnıkalyq saraptama ortalyǵyna» silteme jasap.
Ǵylymı jumysty qolǵa alǵanda QazUÝ ǵalymdary ótýge qıyn jerlerdi qultemirdiń qozǵalysyn basqaryp, josparlaıtyn jańa júıeni oılap tabýdy kózdegen edi. Sonymen qatar robot gýmanoıdtyń taban bóligimen erkin aınalýyna basa mán berip, qultemirdiń erkindik dárejesi mehanızminiń áseri keń kólemde zerttelgenin aıta ketý kerek. Mamandar robot gýmanoıdtyń qozǵalysyn jetildirip, basqarý júıesin qalyptastyrý kezinde passıvti dınamıka ádisterin qoldanǵan. Sonymen qatar ǵalymdar ekologııalyq jaǵdaılarda robot gýmanoıdtyń tıimdi qozǵalysyn qamtamasyz etetin algorıtmderdi basqarýda jergilikti reaktıvti navıgatsııa paıdalanǵanyn da aıta ketý kerek.
QazUÝ ǵalymdary qol jetkizgen basty jetistik - robot gýmanoıdtyń energııany únemdep, tegis emes jerde qozǵalýyn qamtamasyz etetin aıaq-qolynyń mehanızmin daıyndaǵany.
Ǵylymı-zertteý jumysy barysynda robot denesiniń joǵarǵy jáne tómengi bóligindegi eki zvenolardy qosyp, aýyrlyq ortalyǵyn baqylaıtyn arnaıy sheshim jasaldy. «Aıaqtyń ushy», «tómen start» jańa qozǵalystardy jasaýǵa múmkindik berip otyr.
Qultemirdiń denesindegi barlyq zvenolar men tirekti zvenolardyń (qol, shyntaq, saýsaqtardyń, aıaq basy, tize) ornyn sıpattaıtyn arnaıy 242 matrıtsa jazylǵan.
