Mońǵolııada ótip jatqan Grand Slam týrnırinde Qazaqstan quramasy júldege qol jetkize almady

ASTANA. KAZINFORM —  Ulan-Batyrda (Mońǵolııa) ótip jatqan Grand Slam serııasyndaǵy halyqaralyq týrnırdiń alǵashqy kúninde Qazaqstan quramasy eshqandaı medal ala almady. Bul týraly QR Ulttyq olımpıada komıteti málim etti. 

— Bes sportshymyzdyń ishinde fınaldyq kezeńge tek Baýyrjan Narbaev qana ótti. Ol 66 kelige deıingi salmaqta qola medalǵa úmitker boldy. Alaıda úshinshi oryn úshin ótken beldesýde Narbaev mońǵolııalyq Battogtoh Erhembaıardan jeńilip qaldy, — delingen komıtet habarlamasynda.

Osylaısha, týrnırdiń alǵashqy kúninde qazaqstandyq dzıýdoshylar jeńis tuǵyryna kóterile alǵan joq.

Eske sala keteıik, halyqaralyq dzıýdo federatsııasynyń (IJF) málimetinshe, atalmysh jarysqa qatysyp jatqan qazaqstandyq balýandardyń tizimi tómendegideı:

60 kelige deıin: Talǵat Orynbasar, Nuradil Áljan

66 kelige deıin: Erjen Erenǵaıypov, Baýyrjan Narbaev

73 kelige deıin: Saıat Seıitqalıev

81 kelige deıin: Meıirjan Jumabek

90 kelige deıin: Ermahan Ánýarbekov