QazUÝ-ǵa mınıstrliktiń arnaıy toby barady
ASTANA. KAZINFORM — Qazaqstan Respýblıkasy Ǵylym jáne joǵary bilim mınıstrligi ál-Farabı atyndaǵy Qazaq ulttyq ýnıversıtetinde stýdentterdiń qaýipsizdigin qamtamasyz etý sharalaryn tekseredi. Bul týraly mınıstrlik habarlady.
Osy maqsatta ýnıversıtetke arnaıy monıtorıngtik top jiberiledi. Mamandar stýdentterdiń ómiri men densaýlyǵyn qorǵaýǵa qatysty zań talaptary men ishki erejelerdiń saqtalýyn tekseredi. Sondaı-aq tárbıe, áleýmettik-psıhologııalyq jáne profılaktıkalyq jumystardyń tıimdiligine baǵa beredi.
— Tekserý kezinde janjaldardyń aldyn alý, stýdentterdiń ótinishterine ýaqytyly jaýap berý jáne olarǵa psıhologııalyq kómek kórsetý tetikterine erekshe nazar aýdarylady, — delingen habarlamada.
Monıtorıng qorytyndysy boıynsha stýdentter qaýipsizdigin arttyrý jáne profılaktıkalyq jumysty jetildirý jóninde qosymsha sharalar ázirlenedi.
Eske salaıyq, keshe ál-Farabı atyndaǵy Qazaq ulttyq ýnıversıtetiniń geografııa jáne tabıǵatty paıdalaný fakýltetinde oqyǵan birinshi kýrs stýdenti mert bolǵany belgili boldy.
Osy oqıǵadan keıin QazUÝ-da prorektor men dekan jumysynan ketti.