QazUÝ-dyń jýrnalıstıka fakýltetine jańa dekan taǵaıyndaldy

Kórnekti ǵalym buǵan deıin zań fakýltetiniń «Sot bıligi jáne qylmystyq is-júrgizý» kafedrasynyń meńgerýshisi qyzmetin atqaryp kelgen edi. Eńbek jolyn 1976 jyly Qyzylorda oblysy, Jańaqorǵan aýdany, «Krasnaıa zvezda» aýylynda traktor brıgadasynyń esepshisi bolyp bastaǵan. 1981 - jyldan Saryaǵash aýdandyq halyq sotynda sot májilisiniń hatshysy bolyp quqyq qorǵaý organdarynda jumysyn bastaǵan. V.I. Lenın atyndaǵy Tashkent Memlekettik ýnıversıtetiniń zań fakýltetin, Saratov joǵary mılıtsııa mektebin, Qazaq-Túrik halyqaralyq ýnıversıtetiniń ekonomıka fakýltetin bitirgen.

Qazaqstan jazýshylar jáne jýrnalıster odaqtarynyń múshesi, Qazaqstan Jýrnalıster odaǵynyń Baqytjan Qarataev atyndaǵy syılyǵynyń laýreaty (1995), QR-nyń «Mádenıet qaıratkeri», zań ǵylymdarynyń doktory, professor (2004). Sankt-Peterbýrg Krımınologtar klýbynyń múshesi, Qazaqstan Krımınologtar qaýymdastyǵynyń qurmetti professory.

Kólemi 300 baspa tabaqtan asatyn 250-den asa ǵylymı jumysy, onyń ishinde 20-dan asa monografııa, oqýlyǵy jarııalanǵan.Respýblıkalyq baspasózderde «Ajaldyń túsi», «Qasıetti mekendegi qala» t.b. kórkem shyǵarmalary jaryq kórdi. Aýdarma salasynda da jemisti eńbek etip júr.

Buǵan deıin QazUÝ-dyń jýrnalıstıka fakýlteti jabylady degen qaýeset taraǵan edi. Alaıda aqpannyń 19 kúni ýnıversıtet basshylyǵy baspasóz máslıhatyn ótkizip, bunyń beker ekendigin habarlaǵan bolatyn. Ýnıversıtet basshylyǵynyń aıtýynsha, ýnıversıtetti Zertteý -oqý ornyna aınaldyrý maqsatynda júrgiziletin reformaǵa sáıkes, birqatar ózgerister enýi múmkin. «Elbasynyń Joldaýynda kórsetilgendeı, eki úzdik ýnıversıtettiń biri - QazUÝ-dy Zertteý ýnıversıtetine aınaldyrýǵa sáıkes fakýltetter men kafedralarda jobalar talqylanyp jatyr. Munda qandaı da bir fakýltetti, sonyń ishinde, jýrnalıstıka fakýltetin jabý týraly másele kún tártibinde turǵan joq», - degen edi ýnıvsersıtettiń prorektory M. Búrkitbaev.