QazUÝ-dyń 31 oqytýshysy 2010 jyldyń úzdik ustazy atandy
ALMATY. 15 aqpan. QazAqparat /Ádilet Musahaev/ - Ótken senbide Almatyda Joǵarǵy oqý oryndarynyń 2010 jylǵy eń úzdik oqytýshysy atanǵan ustazdar saltanatty túrde marapattaldy.
Shákirt tárbıeleýshi ustazdarymyzdy ulyqtaý úshin elimizdegi joǵary oqý oryndarynyń úzdik oqytýshysyn anyqtaý baıqaýy búgingi kúni dástúrge aınalyp otyr. Osy oraıda 2010 jyldyń úzdik oqytýshylary anyqtalyp, QR Bilim jáne ǵylym mınıstri Baqytjan Jumaǵulov "Joǵary oqý oryndarynyń úzdik oqytýshsy - 2010" memlekettik grantyn jeńimpazdarǵa tabys etti.
Nátıjesinde "Joǵary oqý ornynyń úzdik oqytýshysy" memlekettik grantyn elimizdiń 42 joǵary oqý oryndarynyń 200 oqytýshysy ıelendi. "Joǵary oqý oryndarynyń úzdik oqytýshysy - 2010" memlekettik grantyn jeńip alǵandardyń basym kópshiligi ál-Farabı atyndaǵy Qazaq ulttyq ýnıversıtetiniń oqytýshy-professorlar quramy boldy. ıAǵnı, 2010 jyldyń úzdikteri qataryn QazUÝ-dyń 31 oqytýshysy tolyqtyrdy. Bul jeńis qara shańyraqtyń bilim jáne ǵylym salasyndaǵy kóshbasshy ýnıversıtet ekendigin taǵy bir anyqtap bergendigi.
Saltanatty marapattaý barysynda sóz alǵan mınıstr Baqytjan Tursynuly bıyl memlekettik grantqa qol jetkizgen oqytýshylar quramynyń sapasy anaǵurlym joǵary bolǵandyǵyn aıtyp ótti. "Oqytýshylardyń 68 paıyzy ǵylym doktorlary, professorlar, al qalǵandary dotsentter jáne ǵylym kandıdattary men PhD doktorlary. Baıqaýǵa respýblıkalyq 86 joǵary oqý ornynan myńǵa jýyq úmitker qatysty. Olardyń 43-i memlekettik, 12 aktsıonerlik jáne 31 jekemenshik oqý oryndary", - dep atap ótti mınıstr.
Óz kezeginde memlekettik grant jeńimpazdarǵa Ulybrıtanııa, Germanııa, Frantsııa, Italııa, Ispanııa, Belgııa, Polsha, Chehııa, Vengrııa, Shvetsııa, Avstrııa, Bolgarııa, Lıtva, Latvııa, Reseı sııaqty elderdegi jetekshi joǵary oqý oryndaryna baryp tájirıbe jınaqtaýǵa múmkindik beredi.
Ǵylym men bilim maıtalmandarynyń úzdik tanylýy - urpaqtyń básekege qabilettiligin arttyra túseri belgili. Sol úzdik ustazdardyń qatarynda QazUÝ-dyń jýrnalıstıka fakýltetiniń oqytýshysy, fılologııa ǵylymdarynyń doktory, professor Abdýl-Hamıd Marhabaevta bar. Ol oqytýshylar arasynda úzdik tanylýyn, kóp jyldar boıy atqarǵan eńbeginiń baǵalanǵandy dep biletindigin jetkizdi.
