QazUÝ-diń Jýrnalıstıka fakýlteti jabylmaıdy
ALMATY. 19 aqpan. QazAqparat /Erbol Turymbetov/ - Keshe Almatyda ótken baspasóz máslıhatynda Ál-Farabı atyndaǵy QazUÝ basshylyǵy ǵalamtor arqyly taraǵan «Jýrnalıstıka fakýlteti jabylady» degen qaýesetke núkte qoıdy.
Basshylyqtyń málimdeýinshe, fakýltet jabylady degen bos sóz. Áıtkenmen, ýnıversıtetti Zertteý oqý ornyna aınaldyrý maqsatynda júrgiziletin reformaǵa sáıkes, birqatar ózgerister enýi múmkin.
Іstiń mán-jaıyn ýnıversıtettiń birinshi prorektory Muhambetqalı Búrkitbaev tarqatyp aıtyp berdi. «Elbasynyń Joldaýynda kórsetilgendeı, eki úzdik ýnıversıtettiń biri - QazUÝ-dy Zertteý ýnıversıtetine aınaldyrýǵa sáıkes fakýltetter men kafedralarda jobalar talqylanyp jatyr. Munda qandaı da bir fakýltetti, sonyń ishinde, jýrnalıstıka fakýltetin jabý týraly másele kún tártibinde turǵan joq», - dedi M. Búrkitbaev.
Sonymen birge, birinshi prorektordyń aıtýynsha, oqý ornyn Zertteý ýnıversıtetine aınaldyrýǵa baılanysty, birqatar ózgerister enýi múmkin.
