QazUÝ-diń stýdenttik qurylys jasaǵy 28 gvardııalyq-panfılovshylar atyndaǵy saıabaqta senbilik ótkizdi
dep habarlaıdy QazAqparat.
QazUÝ-diń tárbıe isi jáne tilderdi damytý jónindegi departament dırektory Gúlnár Sársenbekovanyń aıtýynsha, ýnıversıtettiń barlyq fakýltetterinde 2010 jyldyń qańtarynan bastap «Ardagerlerge taǵzym» atty áleýmettik is-sharalar bastalǵan.
«Osy is-sharalar aıasynda stýdentter óz fakýltetterinde Uly Otan soǵysy taqyrybyna arnalǵan dóńgelek ústelder, ardagerlermen kezdesýler, otyrystar men ardagerler úılerinde qaıyrymdylyq kontsertterin uıymdastyrǵan edi. Al búgin ata rýhyna taǵzym etý úshin osy saıabaqta dástúrli senbilik uıymdastyryp otyrmyz. Sharanyń negizgi maqsaty - ata-babamyzdyń jaqsy isterin umytpaı, ony aldaryna ıdeal retinde qoıa bilý. Sondaı-aq búgingi bardy baǵalaı biletindigimizdi kórsetý», deıdi G.Sársenbekova.
Senbilik aıasynda stýdentter saıabaqty, eskertkishter, máńgilik alaý sııaqty basqa da nysandardy tazalaý jumystaryn júrgizdi.
