QazUÝ-de jańa oqý jyly dástúrli kóshbasshylyq dáristermen bastaldy
MATY. 1 qyrkúıek. QazAqparat /Ádilet Musahaev/ - Ádettegideı, bıylǵy jańa oqý jyly da ál-Farabı atyndaǵy Qazaq ulttyq ýnıversıtetinde ǵylym jáne saıasat salasynyń eń úzdik ókilderi men qazaqstandyq jáne halyqaralyq bıznes-birlestik basqarýshylarynyń kóshbasshylyq dáristerimen bastaldy.
Stýdentterge dáris oqyǵan lektorlardyń arasynda QR Tótenshe jáne Ókiletti elshisi Aqmaral Arystanbekova, shyǵystanýshy ǵalym, qoǵam qaıratkeri Murat Áýezov, QR UǴA akademıgi, QR Ulttyq ınjınerlik akademııasynyń birinshi vıtse-prezıdenti Nádir Nádirov, «KazEkologııa» bas dırektory Amangeldi Sqaqov, «Jalpy genetıka ınstıtýtynyń» dırektory Leıla Jansúgirova, Sh.Ýalıhanov atyndaǵy Tarıh jáne etnologııa ınstıtýtynyń dırektory Hankeldi Ábjanov, QR Prezıdent Apparaty baspasóz ortalyǵynyń basshysy Valerıı Jandaýletov, «Aıqyn» gazetiniń bas redaktory Nurtóre Júsip, «Fızıka-matematıka ortalyǵynyń» Bas dırektory Tynysbek Qalmenov, tehnıka ǵylymynyń doktory, akademık Bolat Muqashev, fılosofııa ǵylymdarynyń doktory, professor Saǵadat Bólekbaev jáne taǵy da basqa mamandar bar.
Kezekti oqý jylynyń alǵashqy dárisinen bastap kóshbasshylyqqa baǵyt alǵan stýdentterdiń bolashaǵy da zor bolmaq.
«Kóshbasshylyq» jáne «University Life» baǵdarlamasyn ótken birinshi kýrs stýdentteri budan keıin KPMG kompanııasynyń aǵa keńesshisi Janat Berdalınanyń dárisin tyńdady.
