QazUÝ-de jańa murajaı ashyldy
ALMATY. Jeltoqsannyń 30-y. QazAqparat /Ádilet Musahaev/ - Búgin Ál-Farabı atyndaǵy QazUÝ-de vedomstvolyq jáne ýnıversıtettik jańa murajaıdyń tusaýkeseri boldy,
dep habarlaıdy QazAqparat.
Murajaıdyń resmı ashylýy 2009 jyldyń 13 qazanynda QR Prezıdenti N.Á.Nazarbaevtyń atalmysh oqý ornyna kelýi barysynda bolǵan.
Murajaı kesheniniń jalpy aýdany 1000 sharshy metrdi quraıdy. Jańa murajaı tarıh galereıasy, Dańq zaly, ýnıversıtettiń qazirgi jáne bolashaq damý zaly sııaqty úsh ekspozıtsııadan turady. Murajaıǵa Qazaqstannyń tuńǵysh klassıkalyq ýnıversıtetiniń dástúrge baı tarıhynan syr shertetin 5 000-nan asa tarıhı qundy qujattar men sırek kezdesetin murajaı eksponattary qoıylǵan. Sonymen qatar shyǵys oıshyly, fılosof Ábý Nasyr ál-Farabı men QR tuńǵysh Prezıdenti N.Á.Nazarbaevtyń táýelsiz Qazaqstannyń qalyptasý jolyndaǵy, ulttyq ǵylym-bilim júıesiniń nyǵaıýyndaǵy, jastar saıasatyndaǵy róline arnalǵan eksponattar keremet keshendi úılesim tapqan.
Murajaı ekskýrsııasynan ýnıversıtettiń qalyptasýy men damýyndaǵy negizgi kezeńder, bilim berý júıesiniń jetilgendigi, halyqaralyq baılanystardyń nyǵaıǵandyǵy, stýdentterdiń qyzyqty kezderi, jalpy ýnıversıtettik kafedralar men kitaphanalardyń qazirgi zamanǵa saı ınnovatsııalyq ósýimen tanysýǵa bolady.
Jańa murajaı qala mádenıetiniń ǵana emes, búkil Qazaqstan boıynsha mańyzdy nysan bolary anyq.
