QazUÝ-de professor-oqytýshy quramynyń tamyzdyq májilisi ótpek
ALMATY. 23 tamyz. QazAqparat /Ádilet Musahaev/ - Erteń ál-Farabı atyndaǵy Qazaq ulttyq ýnıversıtetinde professor-oqytýshy quramynyń tamyzdyq májilisi ótedi.
1500 oqytýshy qatysatyn bul májilisti ótkizý ýnıversıtet úshin óte mańyzdy, osy májiliske bıyl alǵash ret mektep dırektorlary, qoǵamdyq uıymdar ókilderi men Almaty qalasy aýdan ákimderi qatysady dep kútilýde.
JOO-yn basqarýda jańa sheshimderdi talap etetin, Memleket basshysy qoıyp otyrǵan bilim júıesin jańǵyrtý mindetteri eń birinshi kezekte tur. Osyǵan oraı, jınalysta ýnıversıtettiń barlyq qyzmetin qamtyǵan QazUÝ-dyń zertteý ýnıversıtetine aınalýy týrasyndaǵy suraqtar qaralmaq.
QazUÝ jańa oqý jylyn basqarýdyń jańa úlgisimen bastamaq. Bul úlgi oqý ornynyń álemdik zertteý ýnıversıtetteri qataryna enýine múmkindik beredi. Qazirgi tańda fakýltetter klasterlik jolǵa qoıý negizinde qurylǵan, tek ataýy ǵana ózgerip qana qoımaı, olardyń ǵylymı jáne bilim keńistigi artýda.
Mysaly, hımııa fakýlteti qazir «Hımııa jáne hımııalyq tehnologııalar», Fızıka fakýlteti - «Fızıka-tehnıkalyq», bıologııa fakýlteti - «Bıologııa jáne bıotehnologııa», tarıh fakýlteti - «Tarıh, arheologııa jáne etnografııa», fılologııa fakýlteti - «Fılologııa, ádebıettaný jáne álem tilderi» jáne t.b.ózgertildi. Sondaı-aq, JOO deıingi daıyndyq fakýlteti ashyldy. «Geografııa jáne tabıǵatty paıdalaný» fakýltetinde reseılik áriptestermen birlese otyryp, halyqaralyq deńgeıdegi ekolog-mamandardy daıarlaıtyn kafedra ashylǵan.
Modernızatsııalaý júıesinde kafedralardyń biriktirilýi jáne olardyń quqyqtarynyń keńeıýi arqyly jumys barysynyń tıimdiligi men ýnıversıtettiń básekege qabilettiligi arta túspek.
Kafedra meńgerýshileri qyzmetine alǵash ret baıqaý jarııalandy. Іzdenýshiler tek joǵary bilikti talapqa saı bolyp qana qoımaı, ózindik kafedranyń jumysyn jaqsartý josparyn da usynýy tıis.
QazUÝ-da stýdentterge bilim berýde modýldik tehnologııalar eskerilip, jumys berýshiler talabyna saı daıyndalýda. Oqytý júıesi úsh tilde qazaq, orys, aǵylshyn tilinde júrgiziledi.
Tamyzdyq májiliske qatysýshylar jańa QR «Ǵylym týraly» zańyndaǵy 2011-2020 jj. arnalǵan memlekettik bilimdi damytý baǵdarlamasyn talqylap, oqý-ádistemelik jumystar, ınnovatsııalyq qyzmet, jastar saıasatyndaǵy áleýmettik áriptestik máselelerin qaramaq.
