QazUÝ-de qazirgi jaǵdaıdaǵy respýblıkalyq bilim berý úrdisiniń barysy qaralmaq
ALMATY. 14 maýsym. QazAqparat /Ádilet Musahaev/ - Maýsymnyń 17-si kúni Ál-Farabı atyndaǵy QazUÝ-de Qazaqstannyń JOO prorektorlarynyń qatysýymen QR Bilim jáne ǵylym mınıstrliginiń joǵary jáne joǵary oqý ornynan keıingi bilim berýdiń respýblıkalyq oqý-ádistemelik keńesiniń gýmanıtarlyq jáne jaratylystaný ǵylym mamandyqtary sektsııasynyń kezekti májilisi ótedi.
Іs-shara aıasynda «Qazirgi jaǵdaıdaǵy bilim berý úrdisi» atty dóńgelek ústel ótkizý josparlanýda.
Toptar boıynsha modýldik baǵdarlamalardy josparlaýdaǵy quzyrettilik tásilder, stýdentterdiń ózindik jumysy oqytýdyń negizgi bir fomalary retinde, ECTS túri boıynsha kredıtterdi qaıta esepteýdegi qazaqstandyq modeli aıasynda akademııalyq utqyrlyqty júzege asyrý baǵyttary boıynsha ózekti máselerdi talqylaý ótedi.
Akademııalyq utqyrlyqty, jazǵy semestrge stýdentterdiń qatysýyn belsendirý jáne ǵylymı, bilim berý qyzmetterin ıntegratsııalaýdy júzege asyrý maqsatynda respýblıkalyq oqý-ádistemelik keńesiniń sektsııa músheleri bıologııa, hımııa jáne fızıka fakýltetteriniń ǵylymı-zertteý zerthanalaryn, jýrnalıstıka fakýltetiniń tele-radıo keshenin, jastar aqparattyq ortalyǵyn aralaıtyn bolady.
Sonymen qatar májilis barysynda rıfke sáıkes (ROÁK jáne QR BǴM) oqý basylymdaryn usyný, 1 bakalavrıat, 7 magıstratýra, 13 doktorantýra mamandyqtary boıynsha tıptik oqý baǵdarlamalaryn bekitýge usyný qarastyrylmaq.
