QazUÝ-de «Qazaqtaný» mektebi ashyldy
ALMATY. Naýryzdyń 10-y. QazAqparat /Ádilet Musahaev/ - Ál-Farabı atyndaǵy Qazaq Ulttyq ýnıversıtetinde «Qazaqtaný» mektebiniń ashylýyna arnalǵan «Ulttyq rýh - erlik pen eldik saýyty» atty dóńgelek ústel ótti,
dep habarlaıdy QazAqparat QazUÝ baspasóz qyzmetine silteme jasap.
Dóńgelek ústel májilisi «Qazaqy bolmys, qazaqy senim», «Prezıdent Joldaýyndaǵy ulttyq múdde», «Qazaq dili, dini, úmiti», «Ulttyq rýh jáne urpaq talǵamy» jáne «Jastardyń til jáne oılaný mádenıeti» sııaqty birqatar baǵytta ótti.
«Qazaqtaný» mektebi - ulttyq mádenıet janashyrlarynyń, jas ǵalymdar men mamandardyń basyn qosyp, eldiń eńsesin jáne onyń ınttelektýaldy sıpatyn kóteretin ózekti máselelerdi talqylaıtyn ashyq ǵylymı uıym.
Mekteptiń maqsaty - qazaqty taný, qazaqty qurmetteý, qazaq bolý, qazaqty tanytý ıdeıasyn nasıhattaý, zertteý jáne osy dástúrge qatysty jobalarǵa qatysý.
Sondaı-aq mektep jastarmen jumys isteıdi, usynysyn jastarǵa arnaıdy, osy turǵyda tárbıelik máselelerdi saralaıdy.
Atalmysh mekteptiń jetekshisi, fılosofııa ǵylymdarynyń doktory, professor Jaqan Moldabekov.
Jıynǵa jas ǵalymdar, doktoranttar, aspıranttar, izdenýshiler, magıstrant jáne bakalavr stýdentteri qatysty.
