QazUÝ-de fızıka fakýltetiniń zamanaýı jańa oqý ǵımaraty saltanatty túrde ashyldy
ATY. 1 naýryz. QazAqparat /Ádilet Musahaev/ - Búgin birinshi halyqaralyq Joldasbekov sımpozıýmy aıasynda Ál-Farabı atyndaǵy Qazaq ulttyq ýnıversıtetinde fızıka fakýltetiniń sońǵy qural-jabdyqtarmen qamatamasyz etilgen zamanaýı jańa oqý ǵımaratynyń saltanatty ashylýy ótti.
Ashylý saltanatyna QR Bilim jáne ǵylym mınıstri B.T. Jumaǵulov, Ál-Farabı atyndaǵy QazUÝ rektory Ǵ.M. Mutanov, Qazaqstan Respýblıkasynyń jetekshi ǵalymdary men qara shańyraq ujymy fakýltettegi zerthanalardy aralap, sońǵy tehnologııalyq jabdyqtarmen tanysty.
Ál-Farabı atyndaǵy Qazaq ulttyq ýnıversıteti - Qazaqstandaǵy iri bilim men ǵylym ortalyǵy, joǵary kásibı, joǵarǵy oqý ornyn támamdaǵannan keıingi bilim men ǵylymdy ınnovatsııalyq damytýdyń kóshbasshysy. Oqý ornynyń fızıka fakýlteti - fızıka ǵylymdary salasynda joǵary bilikti mamandardy daıyndaý boıynsha keńinen tanylǵan tálimdi ǵylymı orda. Úzdik ǵylymı fızıka mektepteriniń dástúrin saqtaı otyryp, fakýltette 30-dan asa ǵylym doktory, professorlar men 100-den asa ǵylym kandıdaty, dotsent jumys jasaıdy. Olardyń ishinde Ǵylym men tehnıkanyń qaıratkerleri, QR UǴA, HǴA akademıkteri, Memlekettik stıpendııalardyń júldegerleri, túrli jyldardaǵy «JOO úzdik ustazy» granttarynyń ıegerleri bar. Fızıka fakýlteti 17 sheteldik JOO-men (Germanııa, Anglııa, AQSh, Ispanııa, Italııa, Reseı, Japonııa) birlese otyryp, teorııalyq jáne qoldanbaly fızıka salasyndaǵy mamandardy daıyndaıdy.
Ál-Farabı atyndaǵy QazUÝ fızıka fakýltetinde bazalyq bilim retindegi mamandyqqa ıe talantty jas fızık-mamandar búgingi tańda AQSh, Ulybrıtanııa, Kanada, Germanııa, Frantsııa, Japonııa jáne t.b álemniń ózge elderinde óz bilimderin jalǵastyrýda jáne jumys jasaýda eken. Kóptegen fakýltet túlekteri tanymal belgili ǵalym atanyp, Qazaqstan men shetelde fızıka jáne qoldanbaly tehnologııanyń damýyna asa zor úles qosyp júr. Munan ózge maqtan tutarlyq bazalyq fızıkalyq bilim men bıznes jáne memlekettik basqarýda da úlken jetistikterge jetýge múmkindik jasaǵan ataqty túlekter bar.
