QazUÝ-de fakýltetterdiń kýrator-edvaızerler keńesi tóraǵalaryna arnalǵan semınar ótti
ALMATY. 14 maýsym. QazAqparat - 14 mamyr men 10 maýsym aralyǵynda Ál-Farabı atyndaǵy Qazaq ulttyq ýnıversıtetiniń Tárbıe jumysy jáne tilderdi damytý departamenti ýnıversıtettegi fakýltetterdiń kýrator-edvaızerler keńesi tóraǵalaryna arnalǵan semınar ótkizdi dep habarlaıdy atalǵan ýnıversıtettiń baspasóz qyzmeti.
Bul semınardyń maqsaty - kýrator-edvaızerlerdiń qyzmetin jaqsartýǵa arnalǵan.
Semınar Kýrator-edvaızerler keńesi qyzmetiniń negizgi baǵyttary men mindetteri, aǵa kýrator-edvaızerlerdiń fýnktsıonaldy mindetteri, qyzmettik reıtıngterin baǵalaý júıesi, stýdenttermen tárbıe isi boıynsha ótkiziletin ádistemelik materıaldardyń jasalýy jáne taǵy basqa taqyryptar boıynsha ótti.
Bul shara 15-17 shilde aralyǵynda fakýltetter men kafedralarda jalǵasyn tappaq.
Sondaı-aq 8-10 shilde aralyǵynda Ystyq kól jaǵalaýynda jyljymaly semınar ótkiziledi dep josparlanýda. Semınar baǵdarlamasy boıynsha psıhologııalyq trenıngter men baıqaýlar jáne oıyndar ótkiziledi.
