QazUÝ-de dástúrli «Aq qaýyrsyn» festıvali ótip jatyr
ALMATY. Qarashanyń 13-i. QazAqparat /Názıra Eleýhan/ - Búgin Almatyda Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetinde «Aq qaýyrsyn» atty dástúrli festıval ótip jatyr,
dep habarlaıdy QazAqparat.
Atalmysh oqý ornynyń jýrnalıstıka fakýlteti óz stýdentteriniń jazǵy óndiristik tájirıbelerinen eń úzdik shyǵarmalardy marapattap otyrýdy dástúrge aınaldyrǵan.
«Bizdiń fakýltetimizdiń stýdentteri qazaqstandyq BAQ-dyń barlyq salalarynda óz biliktilikterin jetildirý maqsatynda tájirıbeden ótip otyrady. Osyǵan oraı jylda stýdentterdiń tájirıbe barysyndaǵy shyǵarmashylyǵy ár atalymǵa bólip, baǵalap otyramyz. Onyń maqsaty - jastarǵa shabyt berý, shyǵarmashylyq qoldaý kórsetý», deıdi sharany uıymdastyrýshy, stýdenttik keńestiń tóraǵasy Ǵalym Jánibek.
«Aq qaýyrsyn» stýdentterdiń óndiristik tájirıbeleriniń qorytyndysy boıynsha ótetin festıvaldiń jeńimpazdaryn BAQ ókilderi, baspager redaktorlar jáne jýrnalıster marapattaıdy.
