QazUÝ-de belgili ǵalym Tólegen Tájibaevtyń 100 jyldyq mereıtoıy atalyp ótiledi
ALMATY. Aqpannyń 18-i. QazAqparat /Erbol Azanbek/ - Aqpannyń 23-i kúni Ál-Farabı atyndaǵy QazUÝ-da qazaqtyń kórnekti pedagog psıhology, respýblıkadaǵy pedagogıka ǵylymynyń tuńǵysh doktory, professor, Qazaq KSR Ǵylym akademııasynyń akademıgi Tólegen Tájibaevtyń 100 jyldyq mereıtoıyna arnalǵan shara ótedi,
dep habarlaıdy QazAqparat QazUÝ-dyń baspasóz qyzmetine silteme jasap.
Sondaı-aq aıtýly ǵalymnyń mereıtoıyna arnalǵan «Joǵary bilim berýdiń qazirgi máseleleri: jetistikteri men bolashaǵy» atty halyqaralyq ǵylymı tájirıbelik konferentsııasy da ótkizilmek.
Tólegen Tájibaev - óziniń qysqa ǵumyrynda joǵary oqý ornynyń qatardaǵy dotsentinen halyq aǵartý komıssary, Qazaq KSR Mádenıet, Syrtqy ister mınıstri qyzmetine deıin kóterilgen aıtýly tulǵa. Qazaqstanda pedagogıka men psıhologııa salasy teorııasynyń damýyna qosqan úlesi baǵa jetpes, ǵylymı eńbekteri jas urpaqty oqytý men tárbıeleý salasyndaǵy ǵylymı zertteýlerde búginge deıin oqý quraldardyń qosymshasy túrinde qoldanyp keledi. T. Tájibaev memlekettiń jetekshi joǵary oqý orny Ál-Farabı atyndaǵy QazUÝ-dyń damýyna úles qosqan. Alǵashqylardyń biri bolyp ýnıversıtet fakýltetterinde qazaq bólimderiniń ashylýyna jaǵdaı jasaǵan tulǵalardyń biri.
