QazUÝ-de «Almaty aportyn birge jańǵyrtaıyq!» atty ekologııalyq aktsııa ótti
ALMATY. 23 mamyr. QazAqparat /Názıra Eleýhan/ - Demalys kúni Almatydaǵy Ó. Joldasbekov atyndaǵy Stýdentter saraıynyń janynda «Almaty aportyn birge jańǵyrtaıyq!» atty aǵash otyrǵyzý aktsııasy bolyp ótti.
Atalmysh ekologııalyq shara Ál-Farabı atyndaǵy QazUÝ-diń, sonymen qatar Qazaqstannyń Brıtandyq túlekter klýbynyń, "PosadiDerevo.kz" qoǵamdyq birlestiginiń bastamasymen ótkizildi.
Sharanyń maqsaty - qoǵamnyń nazaryn Almaty aportyn jańǵyrtý máselesine aýdartý, turaqty genofondyn qurýǵa atsalysýǵa shaqyrý, sonymen qatar qala turǵyndaryn Almaty qalasyn sáýlettendirý men kógaldandyrý máselelerine kóńil aýdartý bolyp tabylady.
Aktsııaǵa stýdentter men eriktiler, sonymen qatar Qazaqstan men Qyrǵyzstandaǵy Brıtandyq Keńesiniń dırektory Lına Mıloshevıch hanym, Zaltsbýrg ýnıversıtetiniń vıtse-rektory Djozef Strobl myrza, Qazaqstannyń estrada juldyzdary - «Rıngo» toby, Azamat Madǵulov, Mádına Sádýaqasova syndy ánshiler qatysty. Aktsııanyń sońynda uıymdastyrýshy oqý ornyna aǵashtardy baqylaý sertıfıkat-mindeti berildi, al barlyq sharaǵa qatysýshylarǵa sertıfıkattar men syılyqtar tabystaldy.
Shara barysynda Ál-Farabı atyndaǵy QazUÝ rektory Ǵalymqaıyr Mutanov pen Qazaqstan men Qyrǵyzstandaǵy Brıtandyq Keńestiń dırektory Lına Mıloshevıch baq aldynda «Almaty aportyn birge jańǵyrtaıyq!» atty estelik taqta ornatty.
