QazUÝ-de 200 stýdent áskerı ant qabyldady

Ál-Farabı atyndaǵy Qazaq Ulttyq ýnıversıtetiniń áskerı kafedrasy 1934 jyly Qyzyl ásker quramyna kiretin áskerı rezerv daıyndaý maqsatynda qurylǵan.

Motoatqyshtar áskerı jáne áýe qorǵanys áskerı mamandyqtaryn daıyndaıtyn kafedrada tájirıbeli oqytýshylar bilim berýde.

2010 jyldan bastap munda jańa áskerı-eseptegi mamandyqtar oqytylady. Máselen, onda bilim alǵan stýdentter zańgerlik jumystar, motoatqyshtar bólimshesinde tárbıe jáne áleýmettik-quqyq jumystaryn uıymdastyrýy, áskerı aýdarmashy syndy mamandyqtardy alyp shyǵady.

Áskerı ant qabyldaý saltanatyna ýnıversıtet basshylyǵy, Uly Otan soǵysy ardagerleri, Qarýly kúsh ardagerleri, stýdentterdiń ata-analary men qoǵam músheleriniń ókilderi qatysty.

Sondaı-aq aıtýly shara barysynda Qazaqstan Respýblıkasy Qorǵanys mınıstrliginiń ortalyq ansambliniń solısteri óner kórsetip, áskerı kafedranyń tehnıkasy men quraldarynyń kórmesi ótkizildi.