QazUÝ-de 15-qabatta lıfttiń toqtap qalýynyń sebebi anyqtaldy
ALMATY. QazAqparat - Almatyda ál-Farabı atyndaǵy Qazaq Ulttyq Ýnıversıteti ǵımaratynda lıfttiń apatty jaǵdaıda toqtaýynan japa shekken eki oqytýshy aýrýhanadan bas tartty, dep habarlaıdy QazAqparat tilshisi.
«Lıft 15-qabatqa kelgen kezde apatty jaǵdaıda toqtaǵan. Sonyń kesirinen joǵary jaǵyndaǵy jaryqtandyrý júıesi synyp, esigi ashylmaı qalǵan. Lıftte eki oqytýshy bolǵan eken. Bireýi jeńil jaraqat alǵan. Sol jerde jedel járdem shaqyrylyp, olarǵa medıtsınalyq kómek kórsetildi. Zardap shekken oqytýshy aýrýhanaǵa jatýdan bas tartty», - dedi oqý ornynyń ımıdj saıasaty jáne qoǵammen baılanys departamentiniń basshysy Dáýren Qumarhanuly.
Onyń aıtýynsha, tehnıkalyq aqaýdy qalpyna keltirýge birshama ýaqyt ketken.
Tehnıkter tejegishti ornatqan soń birinshi esik ashylǵan. Ekinshi esik jarty saǵatqa sozylǵan jumystan soń ashyldy.
«Ótken jyldyń ortasynda lıft tekserilgen. Qazir tekserý júrgizilip jatyr. Tıisti organdarǵa aıttyq. Qyzmet kórsetý kompanııasymen jumys istep jatyrmyz», - dedi Dáýren Qumarhanuly.
