QazUÝ-da jumys berýshiler keńesiniń alǵashqy otyrysy ótti
ALMATY. Naýryzdyń 19-y. QazAqparat /Erbol Azanbek/ - Búgin Ál-Farabı atyndaǵy Qazaq ulttyq ýnıversıtetinde ýnıversıtettiń jumys berýshiler keńesiniń birinshi otyrysy ótti,
dep habarlaıdy QazAqparat.
Atalǵan keńes bıylǵy jyly, Elbasynyń álemdik deńgeıde ınttelektýaldyq damý jasaý týraly tapsyrmasynyń oryndalýyna úles qosý maqsatynda qurylyp, tóraǵalyǵyna «Qazatomónerkásip» UAK prezıdenti Vladımır Shkolnık taǵaıyndalǵan bolatyn. Keńes qyzmeti jumys berýshi kompanııalarmen áriptestik ornatý, birlesken ǵylymı-tájirıbelik jumystardy, túrli halyqaralyq jobalardy júzege asyrý, sharalardy ótkizý baǵytynda júzege asady. Keńes quramyna «Samuruq-Qazyna» UÁQ, Qazaqstannyń ulttyq banki, Ulttyq ǵarysh agenttigi, «Parasat» ǵylymı-tehnologııalyq holdıngi, «GSM Qazaqstan» JShS, «Qazmunaıgaz» AQ, «Evrazııalyq bank» AQ, «El Arna»TRK kirgen.
Otyrys barysynda keńes jumysyn damytý, ýnıversıtet stýdentterin jumyspen qamtý, tájirıbeden ótkizý máseleleri talqylandy. Otyrys sońynda ýnıversıtet rektory Baqytjan Jumaǵulov «Qazatomónerkásip», «Qarashyǵanaq», «Petroleým Opereıtıng B.V.» kompanııalarynyń ókilderine keńes jumysyn qoldaǵany úshin alǵys bildirdi.
