Almatyda Ushqyshsyz avıatsııany damytý ınnovatsııalyq ortalyǵy ashyldy
ASTANA. KAZINFORM - Ál-Farabı atyndaǵy Qazaq ulttyq ýnıversıtetinde Ushqyshsyz avıatsııany damytý ınnovatsııalyq ortalyǵy ashyldy.
Ǵylym jáne joǵary bilim mınıstrligi baspasózh qyzmetiniń habarlaýynsha, atalǵan ortalyq QazUÝ men «Aerial Solutions» JShS arasyndaǵy ózara yntymaqtastyq aıasynda iske qosyldy.
Jańa ǵylymı-ınnovatsııalyq ortalyqta otandyq ushqyshsyz ushý apparattarynyń (UUA) modelderin ázirleý, oqý-óndiristik zerthanalar men synaq polıgonyn qurý, sondaı-aq dýaldy bilim berý jáne sertıfıkattaý baǵdarlamalaryn júzege asyrý josparlanyp otyr. Budan bólek, stýdentter men oqytýshylardyń qatysýymen ǵylymı-zertteý jáne tájirıbelik-konstrýktorlyq jumystar júrgizilip, ushqyshsyz ushý apparattary daıyndalady.
Sonymen qatar ortalyq aıasynda drondar men servısterdi ishki jáne halyqaralyq naryqqa shyǵarý, ınnovatsııalyq startaptardy qoldaý jáne kommertsııalandyrý kózdelgen. Jobanyń iske asyrylýy eldiń tsıfrlyq ınfraqurylymyn nyǵaıtyp, Qazaqstannyń azamattyq ushqyshsyz avıatsııa salasyndaǵy memlekettik strategııasyn júzege asyrýǵa eleýli serpin beredi.
Ashylý saltanatyna QazUÝ Basqarma tóraǵasy - rektor Janseıit Túımebaev, «Aerial Solutions» JShS Avıatsııalyq oqý ortalyǵynyń bas dırektory Perızat Qudaıbergenova, QR Qorǵanys mınıstrliginiń Ushqyshsyz ushý júıelerin damytý jáne qoldaný departamentiniń basshysy Isa Teımýrazuly, Qorǵanys mınıstrligi Áýe qorǵanysy kúshteri Áskerı-áýe kúshteri qolbasshylyǵynyń bas ortalyǵynyń basshysy Sáken Rústemov, Ulttyq qaýipsizdik akademııasynyń kafedra meńgerýshisi Artýr Imashev, Qazaqstan avıatsııa ákimshiliginiń Lıtsenzııalaý departamentiniń dırektory Ádiljan Sultanov, beligili ǵalymdar, oqytýshy-professorlyq quram qatysty.
Jıyndy QazUÝ basshysy Janseıit Túımebaev ashyp, ortalyqtyń iske qosylýy Qazaqstannyń tehnologııalyq damýy úshin erekshe mańyzy bar tarıhı oqıǵa ekenin atap ótti.
- Memleket basshysy Qasym-Jomart Toqaev jasandy ıntellektini damytý jónindegi keńestiń alǵashqy otyrysynda «Bizdiń ult retinde básekege qabilettiligimiz ben egemendigimiz osy tehnologııany qalaı paıdalanatynymyzǵa tikeleı baılanysty. Ár maman tsıfrlyq daǵdylardy jetik meńgerip, jasandy ıntellektiniń múmkindikterin jumys barysynda tıimdi qoldana bilýi qajet» dep atap ótken bolatyn. Ortalyq aýqymdy ǵylymı jobalardy iske asyrýǵa, zamanaýı drondardy jasap, qurastyrýǵa, bilikti mamandardy daıarlaýǵa jáne stýdentterdiń taǵylymdamadan ótýine keń múmkindik beredi. Munda jasalǵan drondar ekonomıkanyń túrli salasynda tıimdi qoldanylatyn bolady, – dedi rektor.
Óz kezeginde «Aerial Solutions» JShS Avıatsııalyq oqý ortalyǵynyń bas dırektory Perızat Qudaıbergenova:
- QazUÝ bazasynda ashylǵan Ushqyshsyz avıatsııany damytý ınnovatsııalyq ortalyǵy ǵylymdy, bilim berýdi jáne zamanaýı ushqyshsyz tehnologııalardy biriktirip, halyqaralyq standarttarǵa sáıkes mamandar daıarlaýǵa múmkindik beredi. Kúshti akademııalyq baza arqasynda ýnıversıtet sapaly praktıkalyq oqytýdy qamtamasyz etip, ónerkásip, aýyl sharýashylyǵy jáne tsıfrlyq monıtorıng salalarynyń damýyna úles qosady. Bul bastama jas mamandar úshin jańa múmkindikter ashyp, otandyq avıatsııalyq jobalardy álemdik deńgeıge shyǵarýǵa mańyzdy úles qosady, – dep jańa ortalyqtyń mańyzdylyǵyna toqtaldy.
Qorǵanys mınıstrliginiń Áýe qorǵanys kúshteri bas basqarmasynyń jetekshisi Sáken Rústemov jańa ortalyqtyń aldaǵy jumysyna tabys tiledi.
- Biz ál-Farabı atyndaǵy QazUÝ-dyń Ushqyshsyz avıatsııany damytý ınnovatsııalyq ortalyǵy men Qorǵanys mınıstrligi jáne Qarýly Kúshterdiń jemisti yntymaqtastyǵyna úmittenemiz. Bul aýa qozǵalysy salasynyń damýyna eleýli úles qosýǵa múmkindik beredi. Jobalaryńyzdyń órkendeýi men barlyq josparlaryńyzdyń sátti júzege asýyn tileımin», – dedi qurmetti qonaq.
Shara sońynda qatysýshylarǵa ortalyqtaǵy zamanaýı qurylǵylar men apparattar kórsetilip, negizgi atqaratyn jumysy týraly aqparat berildi.