QazUÝ-da taǵy stýdentke qatysty shý shyqty: Polıtsııa tergeýdi bastady
ALMATY. KAZINFORM - Ál-Farabı atyndaǵy Qazaq ulttyq ýnıversıtetiniń stýdenti ózine jaraqat salǵan.
Áleýmettik jelilerde QazUÝ-dyń mehanıka-matematıka fakýltetinde oqıtyn stýdent qyzǵa qatysty oqys jaǵdaı bolǵany týraly aqparat tarady. Jeli qoldanýshylarynyń málimetinshe, qyz №12 qalalyq klınıkalyq aýrýhanaǵa jetkizilgen.
Almaty qalalyq polıtsııa departamenti atalǵan derek boıynsha sotqa deıingi tergeý bastalǵanyn málimdedi.
- Aldyn ala málimet boıynsha, oqý oryndarynyń birinde stýdent qyzdyń ózin jeńil jaraqattaý deregi tirkelgen. Oǵan medıtsınalyq kómek kórsetildi, – dep habarlady polıtsııa.
Al ýnıversıtet ókilderi jelide taraǵan aqparatty joqqa shyǵardy. Sózderinshe, mundaı jaıt rastalmady.
Bul QazUÝ tóńiregindegi alǵashqy daý emes.
Eske salsaq, buǵan deıin de QazUÝ-da stýdenttiń ózine qol salýyna qatysty qylmystyq is qozǵalǵan edi.
Ǵylym jáne joǵary bilim mınıstri Saıasat Nurbek ál-Farabı atyndaǵy QazUÝ stýdentiniń qaıtys bolýyna qatysty pikir bildirip, ýnıversıtet basshylyǵy marqumnyń otbasyna qajetti kómek kórsetkenin málimdedi.
Sodan keıin Almatyda taǵy da QazUÝ stýdenti qaza tapty. Birinshi kýrs stýdentin ekinshi kýrs stýdenti uryp óltirdi dep aıyptalyp otyr.
Kúdikti ustalyp, prorektor men dekan jumysynan ketti.
Eki jaıttan keıin QazUÝ-ǵa mınıstrliktiń arnaıy toby baratyny belgili boldy.