QazUÝ-da "Stýdenttik kóktem - 2011" kórkemónerpazdar baıqaýy bastaldy
ALMATY. 29 naýryz. QazAqparat /Ádilet Musahaev/ - Ál-Farabı atyndaǵy Qazaq ulttyq ýnıversıtetinde Qazaqstan Respýblıkasy Táýelsizdiginiń 20 jyldyǵyna arnalǵan "Stýdenttik kóktem - 2011" kórkemónerpazdar baıqaýy bastaldy,
dep habarlaıdy QazUÝ-dyń baspasóz qyzmeti.
QazUÝ-dyń Til jáne tárbıe jumysy jónindegi departamenttiń uıymdastyrýymen Ó.A.Joldasbekov atyndaǵy Stýdentter saraıynda ótken óner baıqaýynda ýnıversıtettegi fakýltetter men kolledj stýdentteri óz sheberlikteri men talanttaryn pash etti. Shara barysynda ónerpazdar túrli zamanaýı bı túrinen, klassıkalyq bı, júrgizý sheberligi, erekshe óner, avtorlyq shyǵarmashylyq sııaqty óner túrlerinen baq synasty. Eki kúnge jalǵasatyn óner baıqaýynda sondaı-aq, óleń aıtý, jyr oqý sııaqty talaptarda stýdentter óz sheberlikterin tanytpaq. Bul baıqaýda ónerpazdardyń talantyna qazaq estradasynyń maıtalmandary óz baǵasyn beretin bolady.
