QazUÝ-da Stýdenttik baspasóz ortalyǵynyń tusaýy kesildi

Qajetti qural-jabdyqtarmen qamtylǵan ortalyqta sonymen qatar Stýdenttik baspasóz klýby bar.

Munda jýrnalıstıka fakýltetiniń stýdentteri, ýnıversıtette oqyp jatqan basqa da bilimgerler bas qosyp, QazUÝ-dyń jańalyqtarnan, qyzyqqa toly stýdenttik kezeńniń tynys-tirshiliginen habardar etý múmkindigine ıe.

Bilim ordasynda dáris alyp jatqan jastar Baspasóz ortalyǵynda jýrnalıstik qyryn damytyp, kásibı sheberligin arttyra alady. Jýrnalıstıka fakýltetinde mamandanyp jatqan stýdentter teorııalyq bilimin osy ortalyq arqyly tájirıbege engizedi. Sondaı-aq, respýblıkalyq BAQ ókilderi kelip jastarǵa sheberlik synyptaryn ótkizip, arnaıy dárister oqýǵa jaǵdaı jasalynǵan.

Bul ortalyqta daıyndalǵan radıo habar, telesıýjetter QazUÝ tele-radıo kesheni arqyly ár oqý ǵımaraty men jataqhanalarda ornatylǵan telemonıtorlar jáne ınternet radıo arqyly taratylsa, jazylǵan maqalalar QazUÝ-dyń «Qazaq ýnıversıteti» aptalyq gazetinde jarııalanyp turmaq.

Tusaýy kesilgen Stýdenttik baspasóz ortalyǵy bolashaq jýrnalıster shyǵarmashylyǵyn damytyp, kásibı shyńdaı túspek.