QazUÝ-da osydan 30 jyl buryn bitirgen zańgerler bas qosty
MATY. 8 qazan. QazAqparat /Ádilet Musahaev/ - Búgin ál-Farabı atyndaǵy Qazaq ulttyq ýnıversıtetinde zań fakýltetinen osydan 30 jyl buryn túlep ushqan, búgingi zań salasyndaǵy belgili tulǵalardyń kezdesýi ótti.
Kezdesýdi qazirgi zań fakýltetiniń dekany Dáýlet Baıdildınov bastap, barsha jınalǵan kýrstas dostardy basqosýǵa arnaıy kelgenderine alǵysyn bildirdi.
Sondaı-aq, sol kezdegi ustazdary, (qazirde QazUÝ-dyń qurmetti professory) Sultan Sartaev, І.Jansúgirov atyndaǵy Jetisý memlekettik ýnıvesıtetiniń rektory Ábdimanap Bekturǵanov, QazUÝ rektor apparatynyń jetekshisi Qaırat Júsipovter jáne t.b. sóz berildi.
«30 jyldan soń ýnıversıtet qabyrǵasynda jınalyp otyrǵan jıyndaryńyzben quttyqtaımyn. Birge oqyǵan adamdar, júzdesip, arnaıy kezdesip turǵan da jaqsy. Bizde de osyndaı kezdesýler bolatyn. Sizder alǵashqy jańa ósip kele jatqan ósimdik sııaqty edińizder, endi mine, ómirde óz oryndaryńyzdy taýyp, maqsattaryńyzǵa jetip, bala tárbıelep otyrǵan ata-anasyzdar. Sizder ósińizder, ónińizder, artta kele jatqan jastar sizderge qarap boı túzesin», - dep, «Ustazdyq etken jalyqpas, úıretýden balaǵa» degendeı, Sultan Sartaev óziniń shákirtterin kórip, shyn kóńilden aq tilekterin aıtyp, saǵynyshyn bildirip, sóz arasynda óleń shýmaqtarymen óz oıyn, aqyl, keńesin bildirip jatty.
1981 jyly jas maman atanǵan túlekter, búgin salmaqty, salıqaly zańger-mamandar. Bul kezdesý kýrstastardyń ózara qurmet, syılastyǵynyń kórinisi. Osy dástúr keler urpaqqa da úlgi bolmaq.
