QazUÝ-da 7000-nan astam túlekke dıplom tabystalady
ALMATY. KAZINFORM – Ál-Farabı atyndaǵy QazUÝ-da túlekter sanynyń kóp bolýyna oraı dıplomdardy tapsyrý 1-nen 12 shildege deıingi kezeńge josparlanǵan.
Bıyl ýnıversıtetti 7080 stýdent bitirdi. Olardyń 5410-y bakalavr, 1163-i magıstr, 507-si doktorant dárejesin aldy. 1404 túlek úzdik dıplom ıegeri atandy.
Іs-sharalarǵa túlektermen birge ata-analar, kishkentaı balalarymen týystary, sondaı-aq dostar legi jáne mobılograftar men fotograftar qatysýda.
Saltanatty rásim kún saıyn aýmaǵy 5000 sharshy metrdi quraıtyn Farabi Hub ortalyǵynda júzege asýda. Ortalyqta LED-ekran, eki banner, dybys apparatýrasy, sóz sóıleýge arnalǵan trıbýna, eki fotoaımaq, sondaı-aq túlekterdiń ata-analary men týystarynyń otyrýyna arnalǵan 800 oryn qoıylǵan.
Rásim ótkizý úshin dıplomdardy tapsyrýdyń biryńǵaı stsenarııi men reglamenti bekitildi.
Farabi Hub ortalyǵynda kondıtsıonerler, salqyndatqysh jeldetkishter, býfet jáne medıtsınalyq beket jumys isteıdi. Syrtqy aýmaq bannermen bezendirilip, oryndyqtar ornatylǵan.
Kampýs aýmaǵynda QazUÝ qalashyǵynyń kartalary jáne Farabi Hub ortalyǵynyń ornalasqan jerin kórsetetin siltemeler ilingen. Atap aıtqanda, kartalar QazUÝ arkasy, avtoturaq, Ál-Farabı eskertkishi, SZPÝ fılıalynyń ǵımaraty, Ál-Farabı kitaphanasy alleıasy jáne saǵat munarasynyń janynda ornalasqan.
Sondaı-aq ýnıversıtet ákimshiligi arnaıy eki avtobýs bóldi. Qonaqtardyń yńǵaılylyǵy úshin Tımırıazev kóshesinen Farabi Hub ortalyǵyna deıin – túlekterge, olardyń ata-analary men týystaryna tasymaldaý uıymdastyryldy. Barlyq kelýshilerge ýnıversıtettiń aýmaǵyna kirýge ruqsat berildi, sondaı-aq avtoturaqtan arnaıy oryn bólindi.