QazUÝ-da 2010-2014 jyldarǵa arnalǵan Ǵylym, ınnovatsııa jáne tehnologııalyq modernızatsııa jobasy talqylandy

;ALMATY. Qyrkúıektiń 3-i. QazAqparat /Erbol Azanbek/ - Búgin ál-Farabı atyndaǵy Qazaq ulttyq ýnıversıtetinde QR Indýstrııaldyq-ınnovatsııalyq damýynyń memlekettik baǵdarlamasy negizinde ázirlengen 2010-2014 jyldarǵa arnalǵan Ǵylym, ınnovatsııa jáne tehnologııalyq modernızatsııa jobasyn talqylaýǵa arnalǵan Respýblıkalyq ǵylymı semınar ótti,

dep habarlaıdy QazAqparat.

«Semınardy ótkizýde basty maqsat 2010-2014 jyldary Ǵylym, ınnovatsııa jáne tehnologııalyq modernızatsııalaý baǵdarlamasy jobasyn talqylaý», deıdi QazUÝ-dyń ǵylym jáne ınnovatsııalyq qyzmet jónindegi departamentiniń dırektory V. Mogılnyı.Semınar jumysyna elimizdiń áıgili akademıkteri, ýnıversıtet rektorlary, fakýltet dekandary, ǵylymı-zertteý ınstıýttarynyń dırektorlary qatysyp, baǵdarlama týraly óz oılaryn ortaǵa saldy. Sharaǵa qatysýshylardyń aıtýynsha, baǵdarlama 2014 jylǵa deıin basym salalardaǵy tehnologııalardyń transferttik júıesi men modernızatsııalaý mindetterin júzege asyrýǵa, sondaı-aq tehnologııalyq kóshbasshylyq turǵysynda taıaý bolashaqtaǵy bilim men ilimdi shoǵarylandyrý júıesin negizdeýge baǵyttalǵan. Onyń júzege asýy nátıjesinde QR óndiriletin jalpy ónim kóleminen ınnovatsııalyq sıpattaǵy ónimderi men qyzmetter 10 paıyzǵa, 2014 jyly ınnovatsııalyq jobalardy qarjylandyrý 50 paıyzǵa, Qazaqstanǵa tartylatyn sheteldik ozyq tehnologııalar sany 2014 jyly 25 paıyzǵa artady.