QazUÝ BUU júktegen mindetti nátıjeli oryndaýda - Nasır Abdýlazız ál-Naser

ASTANA. QazAqparat - Ál-Farabı atyndaǵy QazUÝ BUU-nyń turaqty damý boıynsha «Akademııalyq yqpal» Jahandyq Habyn bas­qara otyryp, Birikken ulttar uıy­mynyń ózine júktegen mindetterin nátıjeli oryndaýda dep sanaıdy BUU Órkenıetter alıansiniń Joǵary ókili Nasır Abdýlazız ál-Naser.

«Biz bul kúrdeli ári búkil álemge qajetti jumysty joǵary baǵalaımyz. Ýnıversıtet «Akademııalyq yqpal» baǵdarlamasyn júzege asyrýda BUU-nyń senimdi seriktesi bolyp tabylady jáne álemdik akademııalyq birlestikti óz qyzmetine belsendi túrde tartýda», - dep Nasır Abdýlazız ál-Naser QazUÝ-da ýnıversıtet oqytýshylary jáne stýdentterimen, Qazaqstandaǵy sheteldik dıplomatııalyq korpýs, qoǵam jáne buqaralyq aqparat quraldary ókilderimen ótken kezdesýinde atap ótti.

 

Aıta keterligi, QazUÝ - QR Prezıdenti Nursultan Nazar­baevtyń «Jasyl kópir» jáne «G-Global» bastamalarynyń energoekologııa­lyq strategııasyna qoldaý retinde TMD ýnıversıtetteri ishinen RIO+20 álemdik sammıtinde sektsııa ashý joǵary qurmetine ıe bolǵan birden-bir oqý orny. Ýnıversıtet turaqty damý máseleleri boıynsha ІІІ Azııa ýnıversıtetteri rektorlarynyń forýmyna uıymdastyrýshylyq etti. Oqý orny «Jańa Jibek joly - BUU modeli» búkilálemdik stýdenttik oıynynyń bir bóligi bolyp tabylady, sondaı-aq, Kolýmbııa ýnı­versıtetimen birge turaqty damý boıynsha mamandar daıarlaıtyn «MDP Global Classroom» baǵdarlamasyn sátti júzege asyrýda. 

2015 jyly Seýlde (Ońt. Koreıa) ótken ІІ «BUU akademııalyq yqpal» forýmynda Birikken ulttar uıymynyń hatshysy Pan Gı Mýn turaqty damý boıynsha BUU jahandyq habyn basqarǵan QazUÝ qyzmetine joǵary baǵa berdi. BUU-nyń 70 jyldyq mereıtoıy aıasynda QazUÝ atalmysh halyqaralyq bedeldi uıymnyń shtab-páterinde «START International conference» atty konferentsııany ashý mártebesine ıe boldy.