QazUÝ BUU Balalar qorymen birlesip, qyzdarǵa arnalǵan jobany iske qosty
Ýnıversıtettiń baspasóz qyzmeti taratqan málimetterge qaraǵanda, jobany resmı túrde iske qosý rásimine QazUÝ-dyń ǵylymı-ınnovatsııalyq jumys jónindegi prorektory Tilekqabyl Ramazanov, Qazaqstandaǵy BUU Balalar Qory (ıÝNISEF) Ókiliniń orynbasary Veronıka Vaşenko jáne ýnıversıtet oqytýshylary men stýdentteri qatysty.
Jobaǵa qatysýǵa 20 qyz iriktelip alyndy. Olar Qazaqstannyń joǵary oqý oryndarynyń stýdentteri jáne orta mektepteriniń joǵary synyp oqýshylary. Olardyń barlyǵy QazUÝ-dyń ǵylymı-tehnologııalyq park bazasynda nanospýtnıkti qurý kýrstarynda bilim alýǵa biregeı múmkindik alady. Oqý baǵdarlamasy bes aıǵa kózdelgen jáne jobalaý, dızaın, baǵdarlamalaý, qurastyrý, testileý jáne iske qosý sııaqty ǵarysh apparatyn qurýdyń mańyzdy kezeńderin qamtıdy. Oqý sońynda qyzdar nanospýtnıkterdiń úlgilerin jasaýlary qajet jáne olardy atmosferanyń joǵarǵy qabatyna jiberý josparlanýda.
«ıÝNISEF úshin jas urpaqty damytý, ınnovatsııalar men genderlik teńdikti ilgeriletý óte mańyzdy. Qyzdardyń nanospýtnıkterdi qurý baǵdarlamasyna qatysýy olarǵa jańa múmkindikter ashady. UniSAT baǵdarlamasynyń nátıjeleri qoǵamda «ǵaryshtyq» ózgeristerge qol jetkizýge múmkindik beretinine senimdimin», - dep atap ótti jobany iske qosý saltanatynda Qazaqstandaǵy ıÝNISEF Ókiliniń orynbasary Veronıka Vaşenko.
QazUÝ Prorektory Tilekqabyl Ramazanov QazUÝ-da 2012 jyldan bastap shaǵyn ǵarysh apparattaryn ázirleý boıynsha ǵylymı-tehnologııalyq mektep qurý jobasy iske asyrylýda ekendigin atap ótti. Ǵaryshqa «al-Farabi» serııaly 2 nanospýtnıgi jiberilgen, «AlfaSat» nanospýtnıktiń ázirlengen bilim berý konstrýktorlary elimizdiń mektepteri men joǵary oqý oryndarynda qoldanylýda.
«Búgin biz ıÝNISEF-pen birlese otyryp, tek qana qyzdar qatysatyn UniSat nanospýtnıkterin ázirleý boıynsha bilim berý jobasyn iske qosýdamyz. Bul joba bizdiń elimizde qyzdar qaýymy arasynda STEM-bilim berý salasyn damytýdyń taǵy bir qadamyna aınalatynyna senemiz. Kýrstyń ashylýy halyqaralyq 8 naýryz merekesimen tuspa-tus kelýi de bizdi qýantady», - dedi QazUÝ Tehnoparkiniń dırektory Ámirhan Temirbaev.
