QazUÝ burynǵy oqytýshysy alaıaqtyq jasaǵany úshin ustaldy
ALMATY. 22 tamyz. QazAqparat - 2008 jyly ýnıversıtet stýdentteriniń biriniń shaǵymdanýymen 1970 jyly týǵan áıel oqytýshy jumystan shyǵarylǵan bolatyn. Onda ol stýdentke jataqhanadan bólme alyp berýge ýáde berip, aqsha alǵan, dep habarlady Almaty qalasynyń ІІD baspasóz qyzmetinen.
Bıylǵy jyly alaıaq áıelge qatysty aryzdar Almaly APB-ne túse bastaǵan. Búginde onyń atyna alaıaqtyqqa qatysty shamamen 4 mıllıon teńge somasyndaǵy 9 shaǵym túsken.
Belgili bir somaǵa ol talapkerlerdiń grantqa túsýine, al bakalavrlardy magıstratýraǵa túsýine nemese sessııany «jabýǵa» ýáde berip otyrǵan. Aqshany alǵannan keıin, ol birden izin sýytqan.
Alaıaqtyqqa qatysty qylmystyq is qozǵaldy. Ol qazir Almaty qalasanyń ІІD ýaqytsha ustaý ızolıatoryna toǵytylǵan. Oǵan qatysty aryzdar áli de túsip jatyr.
