QazUÝ álemniń eń ekologııalyq taza TOP-200 ýnıversıteti qataryna endi

Qazaqstan Respýblıkasynyń jetekshi ulttyq ýnıversıteti - ál-Farabı atyndaǵy QazUÝ álemdik bilim berý keńistigindegi kóshbasshylyq pozıtsııasy men bedelin kezekti ret nyǵaıtty.

Belgili búkilálemdik «UI Green Metric Ranking of World Universities - 2016» reıtıngisine QazUÝ alǵash ret qatysyp, myqtylar tobynan laıyqty oryn aldy. Álemniń eń ekologııalyq taza TOP-200 ýnıversıteti qataryna enýi - ulttyq ýnıversıtettiń «jasyl damýdaǵy» joǵary jetistikteri men úlken múmkindikteriniń dáleli.  

  «UI Green Metric» reıtıngi ádistemesinde mynadaı kórsetkishter esepke alynady: ekologııa salasyndaǵy bilim berý jáne ǵylymı qyzmet, energııa men sý resýrstaryn únemdi qoldaný, tabıǵatty tıimdi paıdalaný, qaldyqtardy saqtaý jáne qaıta óńdeý, ekologııalyq taza kólik qoldaný, stýdenttik kampýs terrıtorııasyndaǵy jas kóshetter aýmaǵy jáne t.b.

Álem ýnıversıtetteriniń «UI Green Metric» «jasyl» reıtıngi jyl saıyn ár eldegi úzdik JOO-ny anyqtaıdy. Mysaly, 2016 jyly AQSh-ta - Deıvıs qalashyǵyndaǵy Kalıfornııa ýnıversıteti, Ulybrıtanııada -  Nottıngem jáne Oksford, Kanadada  -  Kvebektegi Sherbrýk ýnıversıteti, Germanııada - Berlınniń Erkin ýnıversıteti, Japonııada - Hokkaıdo men Kıoto ýnıversıtetteri. Qazaqstandyq JOO-lar ishinde ál-Farabı atyndaǵy QazUÝ - álemniń 200-top «jasyl» ýnıversıteti qataryna engen jalǵyz oqý ordasy, bul JOO-nyń ǵylym men tehnıka jetistikterin kampýstyń energotıimdi strategııasy men qalanyń ekojúıesine ıntegratsııalaý boıynsha belsendi jumysyn kórsetedi.

Ýnıversıtet halyqaralyq deńgeıdegi bastamalarǵa zııatkerlik úles qosýda kóshbasshy bolyp tabylady jáne jahandyq máselelerdi sheshýge arnalǵan aýqymdy jobalardy belsendi júzege asyrýda. Osylaısha, QazUÝ QR Prezıdenti Nursultan Nazarbaevtyń «Jasyl kópir» jáne «G-Global» bastamalarynyń energoekologııalyq strategııasyna qoldaý retinde TMD ýnıversıtetteri ishinde jalǵyz «RIO+20» Álemdik sammıtinde sektsııa ashý joǵary mártebesine ıe boldy. JOO turaqty damý máselesi boıynsha ýnıversıtetterdiń halyqaralyq konsortsıýmyn qurýǵa bastama jasady. Jasyl tehnologııalar ortalyǵy ashyldy, «QazUÝ - Green Campus» biregeı jobasy júzege asýda, turaqty damý boıynsha ıÝNESKO kafedrasy tıimdi jumys isteýde.

Usynylǵan baǵytta júrgizilgen júıeli jumys nátıjesinde QazUÝ-dyń BUU «Akademııalyq yqpal» (UNAI) baǵdarlamasynyń turaqty damý boıynsha jahandyq haby retindegi mártebesi uzartyldy. Atap ótý kerek, ulttyq oqý orny óziniń energosaqtaý tehnologııalary men  ǵylymı-ınnovatsııalyq zertteýlerin «EXPO-2017» - «Bolashaq energııasy» kórmesinde kórsetetin bolady.

Ekologııalyq taza JOO-lar - 2016 jahandyq reıtıngi bıyl jetinshi ret ótkizilip otyr. Sertıfıkattardy saltanatty tabystaý rásimi Indonezııa ýnıversıtetinde (UI) oryn aldy.