QazUÝ aldyndaǵy saıabaqqa art-nysandar ornatyldy
ALMATY. QazAqparat - Almatyda ál-Farabı atyndaǵy QazUÝ mańyndaǵy saıabaqta otbasy kúnine arnalǵan pıknık ótip jatyr, dep habarlaıdy QazAqparat tilshisi.
«Sálem, kórshiler!» atty serýenge shyqqan otbasylarǵa arnap mýzyka qoıylǵan, fýd-korttar jáne kórkemsýret sheberlik sabaqtary uıymdastyrylǵan.
Uıymdastyrýshylardyń aıtýynsha, saıabaqtaǵy serýen ótkizilip jatqan oryn birneshe aımaqqa bólingen. Qala turǵyndarynyń ıgiligi úshin munda mádenı-ıntellektýaldyq sharalar, kóptegen sheberlik sabaqtary ótip jatyr.
Saıabaqqa ornatylǵan art-nysandar demalýshylardyń erekshe nazaryn aýdardy. Kórkem músinderdi Belarýs, Tájikstan, Qyrǵyzstan elderinen kelgen sheberler qala turǵyndarynyń kóz aldynda saldy. Olar shara aıaqtalǵan soń, saıabaqta qalady.
