QazUTÝ mamandary skanerden ótken qazaqsha mátindi Word-qa aınaldyratyn baǵdarlama oılap tapty
ASTANA. QazAqparat - Búginde qaǵaz jumystyń bári kompıýtermen atqarylady. Alaıda, qazaq tilindegi skanerlengen qujattaǵy qatelerdi jóndeýdi ábigeri kóp. Bárin qaıtadan kóshirý kerek. Al, ǵalamtordaǵy arnaıy qosymshalardy paıdalansańyz, qazaqtyń 9 árpin tanı almaıdy. Endi bul qıyndyqtan da ońaı shyǵatyn jol bar. Qazaq Ulttyq tehnıkalyq ýnıversıteti ǵylymı zerthanasynyń mamandary qazaq tilindegi mátindi optıkalyq taný keshenin oılap tapty, dep habarlaıdy «Qazaqstan» ulttyq arnasy.
QazUTÝ ǵylymı zerthana mamany Qaırat Bostanbekov: «Joba maqsaty- kez kelgen kitapta ne qujatta bolsyn, qazaq tilindegi mátindi skanerden ótkizip, sol alǵan sýretimizdi Word sııaqty baǵdarlamadaǵy qujatqa aınaldyrý. Sýret bolyp «qaqıyp» turǵan sózderdi endi qalaǵanyńyzsha ózgerte alasyz. Qazir bul keshen qujatta ketken qatelerdi 98 paıyzǵa deıin túzete alady». QazUTÝ ǵylymı zerthana jetekshisiniń orynbasary Rýslan Barmashov: «Paıdalanýshy skanerden ótken qaǵazdaryn bizdiń portalǵa engizedi de «raspoznat» degen batyrmany basady. Óńdeý sýperkompıýterde 3 kezeńnen ótedi. Birinshi - optıkalyq taný. Ol kezde mátindegi ár áripti tanıdy. Ekinshi kezeńde, morfologııalyq taldaý jasaıdy. ıAǵnı, birinshi kezeńde tabylǵan qate sózderdi túzeıdi. Úshinshi - morfologııa-semantıkalyq saraptama. Qazaq tiliniń sıntaksısine baılanysty ketken qatelerdi jóndeıdi. Osynyń bári 3-4 sekýndta júzege asyrylady». Portaldyń tıimdi tustary kóp. Birinshiden, tegin, ári ýaqyt únemdeısiz. Tipti, uıaly telefonmen de kerek qujatty sýretke túsirip, ǵalamtor arqyly ózgertip, qatesin túzep paıdalana alasyz. Aıtpaqshy, bul keshen bir ǵana bet emes, kópbettik qujatty da áp-sátte retteıdi.
