QazUTÝ ǵalymdary N.Nazarbaevtyń prezıdenttik saılaýǵa óz kandıdatýrasyn usynýyn ótindi
ALMATY. QazAqparat - Q. Sátbaev atyndaǵy Qazaq ulttyq tehnıkalyq ýnıversıtetiniń keńeıtilgen ǵylymı keńesiniń otyrysy ótti.
Otyrysta QR Prezıdentiniń ýnıversıtet rektory Jeksenbek Ádilovpen kezdesýinde alǵa qoıylǵan mindetter talqylandy. Atap aıtqanda, eldegi joǵary ınjenerlik bilim men ǵylymnyń sapasyn arttyrý, ınnovatsııalyq zertteýlerdi damytý, ǵylymı-zertteý qyzmetine jas ǵalymdardy tartý máseleleri qozǵaldy.
Talqylaý qorytyndysymen osy mindetterdi júzege asyrý jónindegi is-sharalar jospary bekitildi.
Ýnıversıtettiń professor-oqytýshylar quramy Ult Kóshbasshysy N.Nazarbaevtyń basshylyǵymen memlekettiń qol jetkizgen zor tabystaryn atap ótti. Ǵylymı keńestiń biraýyzdan sheshimimen Memleket basshysyna aldaǵy 2015 jylǵy 26 sáýirde ótetin kezekten tys saılaýda QR Prezıdenti laýazymyna óz kandıdatýrasyn usynýy jóninde ótinish jasalǵan úndeý qabyldandy.
