QazUTÝ egemen elimizdiń keleshegine laıyqty bilikti de bilimdi mamandar daıarlaýda - Ahmetjan Esimov
;ALMATY. Qarashanyń 13-i. QazAqparat /Ádilet Musahaev/ - Qazirgi tańda Q. Sátbav atyndaǵy Qazaq ulttyq tehnıkalyq ýnıversıteti óziniń tarıhyn ónegeli isterimen órnektep keledi.
Egemen elimizdiń kemel keleshegine úles qosar bilikti de bilimdi mamandar daıarlaýda. Almaty ákimi Ahmetjan Esimov «Shekarasyz ǵylym men ınjenerlik bilim» halyqaralyq forýmynda osylaı aıtty, dep habarlaıdy QazAqparat.
«Qurmetti oqytýshylar, qonaqtar barlyqtaryńyzdy oqý oryndarynyń kóshbasshysy, ulttyq mártebege ıe Q.Sátbaev atyndaǵy QazUTÝ-diń 75 jyldyq mereıtoıymen shyn júrekten quttyqtaımyn. Atalmysh oqý ordasy egemen elimizdiń keleshegine bilikti de bilimdi mamandar daıarlaýda. Sonaý 1934 jyly alǵash irgetasyn kótergen kezden bastap ásem qalamyz Almatymen birge ósip-órkendep keledi. Osylaısha búginde bilim men ǵylymnyń ordasyna, ǵylymnyń kıeli shańyraǵyna aınalyp otyr. Táýelsiz memleketimizdiń, qalamyzdyń gúldenýine osy qara shańyraqtan qanat qaǵyp shyqqan qurylysshy, sáýletshi mamandarymyzdyń ár jyldardaǵy qosqan úlesteri orasan zor. Sondyqtan da búgingi mereke kúni qala basshysy retinde sizderge ózimniń rızashylyǵym men alǵysymdy aıtqym keledi», dedi ol.
