QazUTÝ-de qazaq sáýleti men qurylys salasyn damytqan ǵalymdarǵa eskertkish taqta ornatyldy
ALMATY. Qarashanyń 10-y. QazAqparat /Ádilet Musahaev/ - Búgin Almatyda Q. Sátbaev atyndaǵy QazUTÝ-de kórnekti sáýletshi Tóleý Básenov pen Malbaǵar Meńdiqulovqa arnalǵan memorıaldy eskertkish taqtanyń ashylý rásimi boldy,
dep habarlaıdy QazAqparat.
«Ýnıversıtette ǵylymı-tehnıkalyq salalardyń mektebi jyl saıyn damyp keledi, sonyń ishinde sáýlet pen qurylys. Sońǵy jyldary QazUTÝ-di jyl saıyn 120-ǵa jýyq sáýletshi, 200-den astam qurylysshy bitiredi. Munyń bári qurylys pen sáýlet ǵylymynyń basy-qasynda júrgen Tóleý Básenov pen Malbaǵar Meńdiqulov sııaqty tulǵalardyń arqasy. Bıyl olardyń týǵanyna 100 jyl tolady, bul oqý ornymyzdyń 75 jyldyq mereıtoıymen tuspa-tus kelip otyr», deıdi ýnıversıtet rektory Jeksenbek Ádilov.
T. Básenov - alǵashqy qazaq sáýletshisi, sáýlet mektebiniń negizin salýshylardyń biri, Sáýletshiler odaǵy men respýblıkamyzdaǵy sáýlet fakýltetiniń uıymdastyrýshysy jáne sáýlet salasynyń alǵashqy pedagog-ǵalymy.
M.Meńdiqulov - sáýlet salasyndaǵy qazaqtan shyqqan alǵashqy ǵylym kandıdaty, kásibı sáýletshi, ulttyq sáýlet negizin qalaýshylardyń biri.
