QazUTÝ-da memlekettik bilim baǵdarlamasyna arnalǵan otyrys ótti - Almaty

ALMATY. Qazannyń 29-y. QazAqparat /Erbol Turymbetov/ - Búgin Almatyda Q. Sátbaev atyndaǵy Qazaq ulttyq tehnıkalyq ýnıversıtetinde «2011-2020 jyldarǵa arnalǵan QR Bilimdi jetildirý baǵdarlamasyn júzege asyrý máseleleri» atty dóńgelek ústel bolyp ótti.

Ýnıversıtet rektory Jeksenbek Ádilovtiń basshylyǵymen ótken otyrysqa oqý ornynyń prorektorlary men ǵalym- professorlary qatysty. Jıyn barysynda ýnıversıtettiń bilim berý júıesi men bilim sapasyn arttyrý joldary qaraldy. Sondaı-aq, ındýstrııaldy jáne ınnovatsııalyq damý baǵdarlamasyna saı mamandar daıarlaý máseleleri talqylandy.

QazUTÝ rektory J. Ádilov ózi basqaryp otyrǵan oqý ornynyń basty maqsaty bilim sapasyn kóterý ekendigin atap ótti. «Jańadan qabyldanǵan memlekettik bilim baǵdarlamasy boıynsha, 2020-shy jylǵa qaraı elimizde barlyq halyqaralyq talaptarǵa jaýap beretin birneshe JOO bolýy kerek. Sonymen birge, mamandarymyz da halyqaralyq akkredıtatsııadan ótýi kerek. Qazirge deıin bizdiń 11 mamanymyz bul synaqtan ótip qoıdy. Bul degenimiz olardyń dıplomdary Eýropanyń damyǵan 16 memleketinde jaramdy bolady degen sóz», dedi ol.

Sonymen qatar, rektor Londonnyń «Reıter» agenttiginiń saraptamasy boıynsha, QazUTÝ álemdik deńgeıde 17 myń JOO-nyń ishinde 600 ben 700-shi oryndardyń aralyǵynda ornalasqanyn málimdedi.

«Biz aldaǵy ýaqytta baǵdarlamaǵa saı jumystar atqara otyryp, osy deńgeıden 200-300-shi oryndarǵa deıin kóterilýge talpynys jasaımyz. Búginde elimizde Prezıdent tapsyrmasymen 20 ǵylymı zerthana ashylsa, onyń 2-ýi bizdiń ýnıversıtettiń enshisinde. Onyń biri IT tehnologııalaryna arnalǵan bolsa, ekinshisi taý-ken jáne munaı-gaz salalaryndaǵy zertteýlerge arnalǵan», - deıdi J. Ádilov. Onyń aıtýynsha, aldaǵy ýaqytta stýdentter úshin jataqhanalardyń árbir bólmesin kompıýter jáne ǵalamtormen jabdyqtaý josparlanyp otyr.