QazUPÝ Halyqaralyq agenttikterdiń reıtıngindegi óz kórsetkish jaqsartýda oń nátıjelerge qol jetkize bastady - ýnıversıtet rektory
ALMATY. 28 qańtar. QazAqparat /Erlik Erjanuly/ - Qazaqstannyń joǵary oqý oryndarynyń aldynda turǵan eń úlken maqsat - álemdegi eń ozyq 500 ýnıversıtettiń qataryna ený bolyp otyr.
Qazaqtyń Abaı atyndaǵy ulttyq pedagogıkalyq ýnıversıtetiniń rektory Serik Pirálıev bul týraly búgin Astanadaǵy Parlament palatalarynyń birlesken otyrysynda Qazaqstan halqyna joldaǵan dástúrli Joldaýynda Elbasy aıryqsha atap kórsetkenin aıtty.
"Biz 1,5 jyldan beri ınformatıka jáne fızıka mamandyqtarynan Germanııanyń ASIIN agenttiginen akkredıtatsııadan ótip jatyrmyz. Alǵashqy kezeńnen óttik. Endi aqpan aıaǵynda ekinshi kezeńi bolady. Odan sátti ótsek, olar bul 2 mamandyqqa halyqaralyq sertıfıkat beredi. Qazirgi tańda sondaı-aq, taǵy 2 mamandyqty akrredıtatsııaǵa daıyndap jatyrmyz. Sondaı-aq top quryp matematıka, fızıka pánderinde barlyq dárister aǵylshyn tilinde beriledi", - deıdi pedagogıka ǵylymynyń doktory, professor Serik Jaılaýuly.
Onyń aıtýynsha, Shtab-páteri Ispanııada ornalasqan "Vebometrıks" halyqaralyq reıtıng agenttigi dúnıejúziniń 20 myń joǵary oqý ornyn zerttep, 2010 jyldyń maýsym aıynda onyń qorytyndysyn jarııalady. Onda QazUPÝ Qazaqstandaǵy ulttyq joǵary oqý oryndary arasynda birinshi oryn alǵan. Qazirgi tańda munda bilim sapasy jaǵyna erekshe kóńil bólinýde.
