QazUPÝ-de stýdent qataryna qabyldaý rásimi ótti
ALMATY. Qazannyń 23-i. QazAqparat /Ádilet Musahaev/ - Keshe Respýblıka saraıynda Abaı atyndaǵy Qazaq ulttyq pedagogıkalyq ýnıversıtetiniń 1-kýrs stýdentterin stýdent qataryna qabyldaý rásimi ótkizildi,
dep habarlaıdy QazAqparat.
Stýdentter qataryna qabyldaý saltanaty ýnıversıtet rektory, professor Serik Jaılaýuly Pirálıevtiń quttyqtaý sózimen ashyldy. Almaty qalalyq, Medeý aýdandyq ákimdikteriniń ókilderi, Almatydaǵy joǵary oqý oryndarynyń rektorlary jáne belgili ǵalymdar sóz sóıledi. Sonymen qatar, birinshi kýrs stýdentterine synaq kitapshalary men stýdenttik bıletter tapsyryldy.
«80 jyldyq tarıhy bar Qazaqstandaǵy tuńǵysh joǵary oqý orny búginde bilim berýdiń halyqaralyq ınnovatsııalyq tehnologııalaryn keńinen ıgerip, álemdik bilim berý keńistigine umtylyp otyrǵan klassıkalyq úlgidegi ýnıversıtet. Qazirgi tańda oqý orny dúnıe júzindegi 150 aldyńǵy qatarly ýnıversıtetpen iskerlik baılanystar ornatyp otyr. Eýropa ýnıversıtetteri qaýymdastyǵynyń múshesi, Bolon (Italııa) Deklaratsııasyna qol qoıǵan oqý orny. Búginde 11 fakýltette 53 mamandyq boıynsha kadrlar daıarlanady. 2009-2010 oqý jylyna 1-shi kýrsqa 3600 stýdent qabyldandy. Bul ótken jylǵy kórsetkishten 800 stýdentke artyq. Ótken oqý jylynda 700 stýdent memlekettik grantty jeńip alsa, bıyl olardyń qatary 907 stýdentke jetip otyr», deıdi ýnıversıtet rektory.
