QazUÓÝ «Jas qanat 2014» baıqaýyna qatysýshylarǵa esigin aıqara ashty
ASTANA. QazAqparat - «Jas qanat 2014» baıqaýyna qatysýshylar jastardyń armanyndaǵy JOO Qazaq Ulttyq Óner Ýnıversıtetinde boldy, dep habarlandy «Jas qanat 2014» baspasóz ortalyǵynan.
Úmitkerlerdiń biri Nursultan Qarabalıev úshin bul ekinshi úıi ispetti. Óıtkeni ol bul oqý ordasynda bilim nárimen sýsyndaýda.
Ýnıversıtet basshylyǵy daryndy qonaqtaryna shaǵyn ekskýrsııa uıymdastyrypty. «Jas qanat 2014» baıqaýynda baǵyn synaǵaly kelgenderdi, ásirese, oqytý úrdisi: mýzykanttar men bıshilerdiń daıyndyqtary, kórme galereıasy, jas sýretshi-músinshilerdiń dárisi qyzyqtyrdy. Ónerli jastar adam klondary týraly zamanaýı fantastıkalyq kıno túsirilip jatqan túsirý alańynda bógelińkirep qaldy. Ekskýrsııa aıaqtalǵan soń Ýnıversıtet ujymy baıqaý qatysýshylaryna estelik syılyqtaryn tartý etip, sáttilik tiledi, delingen habarlamada.
Jaýapty syn aldynda qobaljyp júrgen ónerli jastar bul sharadan erekshe áser aldy.
