QazUÓÝ úzdikteri álemniń aldyńǵy qatarly kontserttik zaldarynda ónerlerin pash etpek
ASTANA. 6 naýryz. QazAqparat - Búgin Astanadaǵy «Qazaqstan» Ortalyq kontsert zalynda Qazaq ulttyq óner ýnıversıtetiniń 15 jyldyq mereıtoıyna arnalǵan eseptik kontsert ótti.
Sharada kópshilik nazaryna halyqtyq jáne klassıkalyq mýzyka týyndylardy usynǵan QazUÓÝ oqytýshylary men aspıranttary, sondaı-aq stýdentteri atalǵan oqý ornynyń úlken shyǵarmashylyq áleýetin kórsetti. Belgili bolǵandaı, bul kontsertte ónerlerin pash etken ónerpazdar aldaǵy ýaqytta Mılan, Týrın, Vashıngton, Parıj, Tokıo qalalarynyń úzdik óner ordalaryna kontserttik týrmen barady.
Kontserttik baǵdarlamanyń jetekshisi - QazUÓÝ rektory, QR halyq ártisi Aıman Musaqojaeva.
Búgingi merekeli jıynǵa birqatar elderdiń tanymal mýzykalyq joǵary oqý oryndarynyń rektorlary qatysty.
