QazUMÝ-dyń rektory laýazymyna úmitkerlerdiń esimi belgili boldy
ALMATY. QazAqparat - QR Densaýlyq saqtaý mınıstri Eljan Birtanov Asfendııarov atyndaǵy QazUMÝ-dyń rektory laýazymyna úmitkerlerdi atady, dep habarlaıdy «QazAqparat» HAA tilshisi.
Ýnıversıtettiń burynǵy rektory Aıqan Aıqanov 2016 jyly qaıtys bolǵan edi.
«Ótken aıdaǵy komıssııa otyrysynda tórt úmitker esimi qaraldy. Olardyń ekeýi Premer-Mınıstrdiń tóraǵalyǵymen irikteýden ótedi. Odan keıin bul kandıdattar Prezıdentke usynylyp, sheshim shyǵarylady», - dedi mınıstr.
QazUMÝ rektory laýazymyna tórt professordyń kandıdatýrasy qaralýda. Olar - Myrzakárim Alshynbaev, Bolatbek Baımahanov, Ǵalymjan Toǵyzbaev, Talǵat Nurǵojın.
Óz kezeginde mınıstr atalǵan másele boıynsha 1-2 aı ishinde sheshim shyǵarylatyndyǵyn aıtty.
